<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11318911\x26blogName\x3d\x27tis+the+ballad+of+Bob\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://balladofbob.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://balladofbob.blogspot.com/\x26vt\x3d-2569463983589778356', where: document.getElementById("navbar-iframe-container"), id: "navbar-iframe" }); } }); </script>





sunnudagur, október 30, 2005

24

Það er stutt í kvartaldarafmælið, en þangað til ætla ég að njóta þess að vera tuttuguogfjögurra ára gamall. Ég var vakinn með tertu og sekk af Babybel ostum af henni Hörpu og fékk svo tíma í nuddi að gjöf. Frá sjálfum mér fékk ég sjöttu seríuna af Simpsons á DVD.

Þetta var einhverntíman á Myspace og er afar sneðugt. Hvaða lag var á toppinum daginn sem þið fæddust og er þar af leiðandi afmælislagið ykkar?
Linkur

Hér er mitt:
Christopher Cross - 'Arthur's Theme (Best You Can Do)'
Ég vissi alltaf að það væri eitthvað á milli mín og þessa lags. Hey, Christopher Cross er semsagt Chris Cross! Haha, eins og rapp-snáðarnir forðum daga!

Og meira afmælisglens:
Your Birthdate: October 30

Your birthday on the 30th day of the month shows individual self-expression is necessary for your happiness. You tend to have a good way of expressing yourself with words, certainly in a manner that is clear and understandable. You have a good chance of success in fields requiring skill with words.

You can be very dramatic in your presentation and you may be a good actor or a natural mimic. You have a vivid imagination that can assist you in becoming a good writer or story-teller. Strong in your opinions, you always tend to think you are on the right side of an issue.

There may be a tendency to scatter your energies and have a lot of loose ends in your work. You may have significant artistic talent and be very creative.


Er þetta ekki bara nokkuð akkúrat?

Jæja, þessir Babybel ostar éta sig ekki sjálfir!

Laugardagslagið

The Rakes - Terror!















"Luke - I am Dan Rather!"

laugardagur, október 29, 2005

Nei! 'Fenómon' með Anthony Hopkins!!

Ég var á fundi í húsakynnum 365 ljósvakamiðla í dag og þar varð þessi skemmtilega auglýsing úr fortíðinni á vegi mínum...



















Meiri Nostalgía... Það er ekki nokkur Breiðhyltingur sem fellir ekki tár af söknuði við að sjá þetta:

Síðasta vígið fallið


Ert'ekki að fokking djóka í mér? Hvernig dettur nokkrum manni í hug að gera svona lagað? Þetta er eins og að taka Íslenska fánann og 'öppdeita hann' með því að setja mynd af hamstri að kúka í staðinn.

fimmtudagur, október 27, 2005

Happy happy soy soy

Hann Daniel klukkaði mig og ég þarf að hlýða býst ég við...

10 hlutir sem gera kæta mig:

1. Að kaupa bækur
2. Að snúsa
3. Að fá sendingar fra útlöndum (eBay, Amazon, HMV osfv)
4. Að loksins finna þetta lag
5. Lyktin af vínylplötum
6. Að eyða tíma með konunni sem ég elska (Harpa er líka OK af og til)
7. Að klára leiðinlegt verkefni
8. Að skoða ógeðslega dýra gítara sem ég mun aldrei eiga efni á
9. Selebaslúður
10. Að klára bloggfærslur

Ég klukka Hörpu og Jónínu (þær hafa gaman að svona)

mánudagur, október 24, 2005

Girls! Girls! Girls!

Konur fjölmenntu fyrir utan gluggann á skrifstofunni.

"Sorry stelpur ég er á föstu."

Lag dagsins (stóðst ekki mátið)

Og að lokum:
Aukahlutur fyrir trúaða iPod Shuffle eigendur...
Linkur

sunnudagur, október 23, 2005

Airwaves Wrap-up

Eftir biðraðar-hörmungarnar dagana á undan fékk ég þá snilldarhugmynd að vera bara heima á föstudaginn. Ég var hlýr og sæll á meðan vitleysingarnir úti héngu klukkutímunum saman í frostinu til að vera í troðningi, svita og skítalykt.

En laugardagurinn var sko skemmtilegur, það get ég fullyrt af fullri alvöru. Það var ákveðið í skyndingu að halda teiti í Nakta apanum og að Gruesome Twosome skyldu spila músík. Góðir vinir deildu góðri bollu og það var glatt á hjalla. Alltaf stuð hjá Apanum.

THE ZUTONS!

Við Harpa og Mongúsinn mættum síðan snemma í Hafnarhúsið til að sjá Liverpúðlurnar The Zutons, enda öll miklir aðdáendur. Eftir að vovfeiglega léleg hljómsveit, Union of Knives, kláraði sitt sett komum við okkur fyrir fremst og biðum í ofvæni eftir hetjunum.

Þau spiluðu feikna gott sett og stemmingin var eftir því. Við öskruðum og klöppuðum með og skemmtum okkur konunglega. Allir smellirnir fengu að hljóma og ég taldi þrjú ný lög, sem hljómuðu mjög vel. Í uppklappinu spiluðu þau instrumental lag sem hljómaði einna helst einsog partý heima hjá tútankamún.

Ég er yfir mig hrifinn af henni Abi sem blæs í saxafón í bandinu. Þegar hún lagði frá sér hljóðfærið og fór að dansa um sviðið í einu laginu náðum við augnsambandi. Ég blikkaði hana að sjálfsögðu -og hún BLIKKAÐI Á MÓTI! Ég montaði mig allt kvöldið. Ó Abi!



Ekkert gæti toppað þetta sjóv þannig að við slepptum alfarið að fara á Nasa (röðin náði víst allan hringinn um Austurvöll) og fórum beina leið á Sirkus. KGB náði að hitta á nokkur sniðug lög og við héldum okkur þarna til lokunar. Þessi var í nettu flippi:

föstudagur, október 21, 2005

Huggy Hotlips

Þetta er Hugrún Ragnarsdóttir:



Hér um árið var hún þekkt fyrir fyrirsætustörf, en hefur undanfarin ár snúið sér meira að ljósmyndun. Huggy, eins og hún er kölluð, eyðir mestum sínum tíma í Los Angeles en hefur enn strekar taugar til Íslands. Tímaritið Birta tók við hana viðtal á dögunum og þa.... DJÍSES KRÆST, SJÁIÐI VARIRNAR Á HENNI?! Hvað er hún með þarna inní? upprúllað dagblað?
Wáh, Það er eins og að varirnar snúi vitlaust, sjáiði:





Hehe, þetta er fyndið:


Nýja lúkkið hans Mel Gibson


Airwaves Tvö

Apparatið héldu uppi dágóðri stemmingu og var margt um húllumhæið. Fólk vill oft flokka þá sem elektró band, en ég vil meina að þeir eru argasta rokkband. Að minnsta kosti voru þessi hljómborð fantalegri en nokkur rafmagnsgítar sem ég hef heyrt. Svo sannarlega ein af okkar betri hljómsveitum. Eftir Apparatið komu fram hljómsveit frá kanalandi, New Radio, sem voru snöggir að reka fólkið sem eftir stóð burt með ofsafengnum goth-stælingum.

José Gonzales? Ekki minnast á það. Röðin náði frá Þjóðleikhúskjallaranum, fram fyrir leikhúsið og að Danska sendiráðinu. Við Harpa og kó, einsog svo margir aðrir, beiluðum yfir á Sirkus og héldum uppi fjörinu þar. ég læt mér nægja að hlusta á hann í tölvunni.

fimmtudagur, október 20, 2005

Airwaves Eitt

Miðvikudagur:

Eftir að hafa misst af Mr. Sillu óðum við í gegnum ofsafengið hitamistur og sígarettureyk (gæjarnir á borðinu fyrir aftan voru meiraðsegja að reykja vindla) og náðum að sjá hina íðilfögru Annie dilla sér og syngja. Rarrrr. Það er uppselt á hátíðina nú þegar og röðin fyrir utan Nasa þegar við komum náði að kaffi París. Það er greinilegt að héðan í frá er eins gott að koma tímanlega á einn stað og fara ekki fet.

Á leiðinni heim var svo kíkt á Zuckakis Mondeyano Project á Nasa.
Lag með Zuckakis Mondeyano Project

Í næsta þætti:
Hetjurnar okkar skoða José Gonzales og pæla í því að ná Daníel Ágúst og Junior Senior.

FOJ!

Mér er sama hvað fólk er spennt fyrir þessu, það er ófyrirgefanlegt af Sony að nota þennan font...

sunnudagur, október 16, 2005

Úff


Ef þessi mynd bombar ekki þá ét ég skóna mína.

laugardagur, október 15, 2005

Ég endurtek...


föstudagur, október 14, 2005

Au Currant:
La Fiévre du Samedi Soir

Mylo - Mars Needs Women
Fyrsta hálfa mínútan í þessu lagi er hringingin í nýja símanum mínum. Ég mæli með því að allir fái sér svona græju, best sími sem ég hef átt.

The Go! Team - The Ice Storm
Veturinn er engin óvinur minn. Mér finnst smart þegar frost bítur hart. Það er bara næs þegar vindurinn blæs. Það er kósí sem hnoðri þegar kuldinn kemur úr norðri. Snæfinnur Snjómann er sá sem kann. Anyway, þið náið myndinni (eða ríðið kindinni).

Frank Comstock - Journey to Infinity
Fólk leit geiminn öðrum augum í sixtís. Í vitund nútímamannsins er geimurinn fullur af braki og dauðum geimförum. Í sixtís var
geimurinn ókönnuð óravídd af fjólubláu flaueli og fallegum geimgellum sem svifu um í kokteilstofu guðanna.

Mystery Jets - You Can't Fool Me, Dennis (Justice Remix)
Hann Dennis getur engan gabbað. Djammlag kvöldins.

miðvikudagur, október 12, 2005

Not a Boy Anymore...


Sveinbjörn er snilli og þekkir sín eitís ækon - þrátt fyrir að þau séu orðin óþekkjanleg af drykkju og rugli.

Svenni fær í vinning að horfa á myndband af mér að dansa í nýja ipodinum mínum sem ég ætla að kaupa sem fyrst.

Apple kynnir video iPod - Porn in yer Pocket!™

Nýtt stöff frá Apple:

Nýr iMac. Þynnri, með innbyggðu iSight og leifturljósi.

Apple fjarstýring (loksins).

Nýjir ipodar - spila vídeó - Koma í svörtu og hvítu. Mun þynnri.

iTunes 6 þar sem er hægt að dánlóda poppmyndböndum og sjónvarpsþáttum í gegnum iTunes Music Store.

Linkur

Uppfærsl

Var að henda skrani inná síðuna mína. Meðal annars má sjá myndskreytingu mína fyrir The Zutons sem verður notuð í auglýsingaskyni fyrir Iceland Airwaves.
Linkur

þriðjudagur, október 11, 2005

"Get Charged!"

Ég ætti ekki að þurfa að búa til heila nýja færslu til að koma einum link á framfæri. Þetta mætti Bloggerinn laga.
En hérna er hann, Orkudrykkurinn hans Steven Seagal.

mánudagur, október 10, 2005

Þekkirðu manninn?

Hvaða ófrýnilegi kall er nú þetta?

Sá eða sú sem svarar þessari gátu rétt fær að launum myndarlegan glaðning.
-Ritstjórnin.

föstudagur, október 07, 2005

RPM vs. MP3

Sú staðreynd að nær öll tónlist sem sem framleidd hefur verið er auðveldlega fáanleg á netinu endurgjaldslaust er bæði í senn spennandi og ógnvænleg. Núna geta allir náð í hvaða lag sem þeim dettur í hug, en um leið er gildi tónlistar sífellt að rýrna. Ég syrgi dagana þegar leitin að áður óþekktri tónlist var spennandi grams í rykugum plötukössum en ekki að slá inn það sem maður vill og ýta á ‘Enter’.

Fyrir aðeins nokkrum árum síðan voru það aðeins forfallnar músíkmoldvörpur sem höfðu tíma og áhuga á að sanka að sér öfundsverðu safni af tónlist. Þessir fámálu og vinafáu menn (alltaf menn) klofuðu yfir rotturnar í skítugum kjöllurum til að stunda námugröft í ruslahrúgum eftir löngu gleymdri tónlist. Moldvarpan sat heima með kusk á fingurgómunum eftir langt og strembið dagsverk: margra tíma flett í plötuhrúgum í hinum ýmsu bílskúrssölum, Kolaportum og vafasömum plötubúðum. Eftir að hafa flett í gegnum bæklinga frá póstkröfuplötusölum var fjársjóður dagsins dreginn upp úr snjáðri hliðartöskunni. Moldvarpan strauk elskulega um plötuumslagið og dró svartann og glansandi vínylinn úr kápunni. Á meðan platan mallaði á fóninum kúrði moldvarpan í grjónapokanum og rýndi í myndskreytingarnar á umslaginu.

í dag er öldin auðvitað allt önnur. Nútíma tónlistarneytandinn sest niður við tölvuna í rólegheitunum í morgunsárið. Hann hleður svo niður heilu ævistörfum hljómsveita og listamanna á milli sopa af morgunkaffinu. Hann hefur síðan nægan tíma til að bæta við nokkrum af heitari hitturunum sem eru í gangi í dag áður en hann fer í vinnuna. Tónlist sem hefði áður fyrr tekið mörg ár að safna er nú vala dagsverk að sækja. Og allt án þess að borga krónu fyrir, hvað þá að yfirgefa skrifborðið. niðurhalsforrit, mp3 blogg og tölvupóstur færa okkur tónlistina heim á örskotstundu, en maður verður að spyrja sálfan sig hvort að við sem tónlistaraðdáendur eigum það ekki of gott nú til dags. Það er mín skoðun að við erum á hraðri leið að verða dekruð.

Það er engin spurning að mp3 byltingin hefur leitt af sér stórkostlega hluti. Nú getum við kynnst spennandi, óháðri tónlist sem hefði aldrei verið keypt inn í plötubúðir hérlendis. Eins getum við hlustað á eldri snillinga sem hafa horfið á milli sessanna í sófa tímans. Þar býr snilld - en um leið bölvun - internetsins. Upplifanir sem við hefðum aldrei kynnst eru okkur innan seilingar án fyrirhafnar. En gallinn er að sjálfsögðu sá að þetta er of auðvelt. Það er engin athöfn, engin upplifun á bakvið það að renna mús og smella á hnapp. Að finna tónlist á að vera sport, að leita bráðina uppi eins og einhverja akurhænu og handsama hana. Fengurinn verður svo miklu verðmætari þannig. Platan á sér þá sögu og líf sem nær lengra en að hafa birst eins og fyrir galdur inn á tölvuna okkar. Eins og í lífinu sjálfu, þá er ferðalagið jafn mikilvægt, ef ekki mikilvægara, en ákvörðunarstaðurinn.

Það er ekki eins og að þurfum að borga eitthvað fyrir tónlistina okkar í dag. Þeir einu sem græða fjárhagslega á okkar tónlistarneyslu eru þeir sem sjá okkur fyrir tengingu við veraldarvefinn, hljómplötuframleiðendum til mikillar armæðu. Maður nær sér í plötu á stafrænu formi og rennir yfir svona tíu sekúndur í hverju lagi. Eitt eða tvö lög eru áhugaverð og þeim er hent inn á harða diskinn. Restinni er fleygt í (stafrænu) ruslakörfuna og hún svo tæmd. Þetta myndi maður aldrei gera við plötu sem keypt er með beinhörðum peningum. Hvað þá plötu sem maður þurfti virkilega að hafa eitthvað fyrir að finna. Tónlistin er ekki bara orðin einnota afþreying, tónlist er orðin verðlaus.

Lagið 'Look into the Sun’ með Jethro Tull er að finna á plötunni ‘Stand Up’ frá árinu 1969. ‘Stand Up’ er frábært dæmi um fallegt plötuumslag. Það er ríkulega myndskreytt með fögrum tréristumyndum. Hverju smáatriði eru gerð skil með mikilli natni og nákvæmni. Þegar platan er svo opnuð eru meðlimirnir hljómsveitarinnar í pappírsformi. Þeir ‘standa upp’ á móti okkur eins og í gamalli pop-up bók. Skemmtileg viðbót sem gæðir fallega kápu enn meira lífi. Svo má lengi skoða flókið munstrið í miðopnunni á meðan Ian Anderson flytur lagið. Hvernig lítur stafræn útgáfa ´Look into the Sun’ út? Bara orð á tölvuskjá. Frá því að lagið er fundið á netinu og þar til það er brennt á disk, þá er það andlitslaust. Skyndilega er merkimiðinn á skrifanlega diskinum orðinn kápan á plötunni. Það sem áður var hin goðsagnarkennda rennilásakápa á ‘Sticky Fingers’ með Rolling Stones er núna “Verbatim Data Life Plus™ 700mb CD-R”.

Ekkert hásæti sómar góðri tónlist betur en vegleg umslög vínylplatnanna. Albúmin eru stór, eiguleg og já, þau lykta meira að segja vel. Það er ánægjulegt að standa við hillu sem svignar undan þunga plötusafns sem hefur verið safnað af ástríðu og áhuga. Að snúa höfðinu til hliðar og lesa á kjölinn á plötum fer betur með sálina en að svíða í augum við að renna yfir ógrynni af lagatitlum í tölvunni. Eftir nokkra daga af því að stara á sálar- og útlitslausar mp3 skrár fer maður jafnvel að sakna gömlu góðu geisladiskahulstranna. Þau voru lítil, ljót og úr brothættu plasti, en fjandinn hafi það, það var að minnsta kosti meðvituð hönnun á þeim.

Við skulum ekki einu sinni ræða um hljóminn. Vínyll hljómar betur en mp3. Það er bara staðreynd.

En hvað er til ráða? Mín skoðun er sú að mp3 og vínyll ættu að geta lifað saman í nokkurri sátt. Það eina sem þarf að gera er að standa upp frá lyklaborðinu af og til. Þegar þú hefur fundið góða tónlist úr fortíðinni, hví ekki að reyna að grafa upp upprunalegu plötuna á vínyl til að upplifa tónlistina eins og henni var ætlað? Eins er það með nýja tónlist. Mjög margar nýjar plötur eru gefnar út á vínyl, og ekki bara danstónlist. Lítið við í 12 Tónum og Smekkleysubúðinni. Að kynnast nýrri tónlist á netinu er svosem ágætt mál, en ekkert lag í tölvu hefur sömu sálina og finnst í mjúkum tóni vinylplötunnar.

Um daginn var ég í Kolaportinu. Þar sá ég unga pilta róta í hrúgu af vínylplötum. Þeir kölluðu plöturnar reyndar ‘diska’ en áhuginn var til staðar. Það gladdi gamalt moldvörpuhjarta.

-Björn Þór Björnsson

þriðjudagur, október 04, 2005

Andlit úr fortíðinni


Hún er komin aftur! Jeanne Beker! Það yljaði mér í maganum að sjá hana á Sirkus áðan. Hún sýndi mömmu minni heim tískunnar þegar ég var lítill og mun nú kenna nýrri kynslóð. Hún hefur engu gleymt blessunin.

Get ekki stillt mig um að skella Fashion Television laginu með:
Og allir saman nú!

mánudagur, október 03, 2005

VAFR II

The Strokes eru með lekanda

Annað lag af 'First Impressions of Earth' lekur, og það er engu skárra en 'Juicebox'. Hvað er í gangi með Stróks? Þeir eru alveg búnir að missa'ða.
Linkur á MP3 fæl.

laugardagur, október 01, 2005

Treiler fyrir nýjustu Feel-good myndina

Við Svenni förum að sjá þessa saman...
Linkur