C.S.I

Það er þessum þætti að þakka að allir meinatæknaskólar í Bandaríkjunum eru troðfullir af unglingum sem halda að sín bíði spennandi starf, fullt af glamúr og flottum, blikkandi græjum. Meira að segja Britney sagðist vilja verða meinatæknir. Hún ætlar sér víst að bruna um á Hummer og skipa alvöru löggum fyrir. Raunveruleikinn er sá að meinatæknar eiga varla fyrir gúmmíhönskum og vinna í 18 tíma á dag við að ná í fingraför og skafa líkin af götunni. Í raunveruleikanum er ekki hægt að hella gipsi ofan í stungusár til að fá mót af raðnúmerinu á hnífnum. Britney og hin unglingafíflin halda að meinatæknar rannsaki glæpinn, yfirheyri hina grunuðu, leysi málið og ákæri hina seku. Og hvað í andskotanum halda þau að sjálfir morðrannsóknarlögreglumennirnir geri á meðan? Sitji inni á kaffistofu og óski að þeir væru meinatæknar? Svo hata ég aðalgaurinn í þáttunum, Grissom. Þetta hafði sá auli að segja við mann sem myrti strák með Down’s heilkenni: “By the way, the definition of “retard” is to hinder or to hold someone back. I think your life is about to become...retarded.”