<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11318911\x26blogName\x3d\x27tis+the+ballad+of+Bob\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://balladofbob.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://balladofbob.blogspot.com/\x26vt\x3d-2569463983589778356', where: document.getElementById("navbar-iframe-container"), id: "navbar-iframe" }); } }); </script>





þriðjudagur, maí 31, 2005

Jeeesh!

Paris Hilton er trúlofuð gæja sem heitir líka Paris... Wá.

B.A.

Ég var að útskrifast úr skólanum, og er þá kominn með BA gráðu í grafískri hönnun. Útskriftin var haldin með pompi og prakt í Borgarleikhúsinu og var, eins og gengur og gerist, langdregin á köflum, en þó lifnaði yfir athöfninni þegar þeir settu í gang myndverk frá 1970, þar sem einhver kona sem spilaði á fiðlu var að blanda saman tónlist og myndbandsbrellum. Þetta svarthvíta myndband (sem var sláandi líkt myndbandinu í The Ring) var bæði í senn óhugnalegt og artý fartý, og ömmurnar í salnum voru hálf dasaðar eftir skerandi ýlfrið í distortaðri fiðlunni og disturbing myndefnið í þessu verki. Svo var það myndatakan, sem átti að fara fram í portinu fyrir utan innganginn að Hard Rock. Þegar öll hersingin mætti þangað var Eric Prydz á blasti og einhver Pepsi Max skemmtidagskrá í botni, með hoppikastala, ókeypis pulsum og krakkaskara út um allt. Myndin var svo tekin á bílastæðinu, en mér hefði þótt það miklu fyndnara að taka myndina með okkur öll í hoppikastalanum. Myndir seinna.

Group Sex

Eftir að heyra í fréttunum af enn einu fyrirtækinu sem heitir "Eitthvað Group" fékk ég soldið nóg og fletti upp orðinu 'group' í símaskránni á netinu. Ég fann: FF Group, JJ Group, FL Group, Ice Group, Avion Group, Barry Group, Dagur Group, Media Group, Atorka Group, Baugur Group, Gadget Group, Actavis Group, Activity Group, Bakkavör Group, Seriatim Group, Icelandic Group, Ice-Barter Group, Opin Kerfi Group og STD Trading Group. Þá eru ekki talin með þau Group fyrirtæki sem eru skráð í einhverjum erlendum skattaparadísum. Og hananú.

fimmtudagur, maí 19, 2005

Áfram Ísland eða eitthvað

Selma er í glamorous kartöflusekk og syngur sig inn í hug og hjörtu gervallrar Evrópu. Hún á auðvitað ekki séns í Norðmenn, sem koma með besta lag sem Bon Jovi sömdu aldrei. Einnig er einhver þjóð sem ég man ekki hvað heitir (kanski Moldavía) með helvíti sigurstranglegt lag. Þar er sviðsfyllir af hressum krökkum sem berja á trumbur og svo er gömul kona í ruggustól sem stendur skyndilega upp í endann og tekur trommusóló. Ég gef Moldavíubúm (eða kanski voru þeir frá Lettlandi) fimm eff: Fun, Furious, Fine, Fabulous, Fantastic!

Varðandi ferðaplön: við Harpa ætluðum til New York í júní en okkur til hryllings kostar það whopping og alveg hreint móðgandi 60.000 kall á mann að fljúga þangað á þessum árstíma. Iss, hver vill hvorteðer vera þarna, hmm. Á háanna ferðamannatíma, ekki ég. Skítapleis. Pffft. Þess í stað ætlum við að bregða okkur yfir til hennar Petru í London, og þá verður sko handagangur í öskjunni, glatt á hjalla, allir með, eru ekki allir í stuði, Herinn burt, eitt lag enn, bærinn málaður bleikur, einn tveir og bingó, börnin heim, ekkert bruðl, lengi lifi kóngurinn, húllumhæ, glatt á hjalla, Eistland tvö stig, teflt við páfann, fúttað ærlega út, slett úr klaufunum, sveittum hnefunum steypt í loftið og þar fram eftir götunum. En New York fær sinn tíma, við förum í haust þegar það kostar bara einhvern þrjátjuþústkall að fara. Þá verður sko farið á söfn.

laugardagur, maí 14, 2005

10 Punktar

1. Á forsíðu DV er umfjöllun um Ingibjörgu Pálmadóttur, sem er víst ríkasta kona landsins, og þar stendur að hún "safnar fasteignum eins og aðrar konur safna skóm" og svo eru myndir af húsum sem líta út fyrir að vera mjög dýr. Ég þoli ekki þetta ríka fólk... af því að ég er auðvitað svo ógeðslega öfundsjúkur. Ef ég einhverntíman sé Ingibjörgu Pálmadóttur á förnum vegi ætla ég algerlega að segja, "Hey, Ingibjörg, gemmér fimmþúsundkall!" Ég meina, hún á bókstaflega ekki aura sinna tal, og þá meina ég að hún hefur ekki nógan tíma á sinni ævi til að telja allan peninginn sinn. Fimmþúsundkall fyrir henni er örugglega eins og fimm krónur fyrir mig og þig... djöfull er ég öfundsjúkur.

2. Er ég einn um það að finnast meint ástarsamband Tom Cruise og Katie Holmes meira en í meðallagi ógeðfellt? Hann er fjörtíu og eitthvað kall með spangir og hún er, hvað, nítján ára? og hún er með herpes í þokkabót.

3. Af hverju eru engir barnalæknar í Hafnarfirði?
-Því Hafnfirðingar vilja ekki að börnin sín stundi lækningar.

4. "Good Lovin'" með The Rascals: Ef þetta lag kemur þér ekki í gott skap, þá ertu Ingibjörg Pálmadóttir.

5. Ef þú ert að eyða öllum deginum í að smella á einhverjar 50 síður á netinu og aðeins ein þeirra er með einhverju nýju, þá ertu ekki búin/n að kynna þér RSS. Ég sver það, að með RSS ertu að spara þér bókstaflega marga klukkutíma á netinu. Ég nota Newsnetwire. Ég stimpla allar þær frétta- og bloggsíður sem ég skoða reglulega inn í forritið. Svo fylgist forritið með síðunum fyrir mig og lætur mig vita þegar einhver síðan er búin að uppfærast. RSS mun "Change the way you use the internet®"

6. Allir ættu að gerast áskrifendur að email-slefberanum Popbitch, sem er lang besta slúðurlesning sem þú kemst í.

7. Eftir á að hyggja eru tíu punktar kanski full mikið fyrir mig að skrifa. Hef þá færri næst.

8. Listahátíðin byrjar í dag. Ég er eiginlega bara spenntur fyrir Dieter Roth sýningunni í Hafnarhúsinu. Restin er bara einhver jazzballett og myndlistarsýningar sem afsökun fyrir kampavín- og kókaínfyllerí. Og má ég plís æla yfir þetta hundrað blaðsíðna (hundrað!!) rúnk eftir Ólaf Elíasson í Mogganum um daginn. Einhverjar photosjoppaðar amatöra þyrlumyndir af Kárahnjúkum. Ef ég hefði tekið þessar myndir fengi ég ekki eina einustu þeirra birta í Mogganum, ekki einu sinni í lesendasíðunum. Ólafur Elíasson er ofmetnasta fyrirbæri íslenskrar myndlistarsögu (á eftir Erró). Ef einhver ætlar að saka mig um öfundsýki hér, þá segi ég bara prove me wrong!

9. George A Romero, sem bókstaflega bjó til mitt uppáhalds kvikmynda genre (shaawn-wraaah), sem er zombie-splattermyndir, er að gefa út nýja mynd. Fyrri myndirnar hans, Night of the Living- Dawn of the- og Day of the Dead eru 100% skyldugláp. Nýja myndin, Land of the Dead, fjallar um þegar mannfólkið lifir með zombíunum. Þau hafa byggt veggi í kringum sig og reyna að lifa eðlilegu lífi að meðan restin af jörðinni eru uppvakningar hinum megin við vegginn. Ég spái því að veggurinn rofni með blóðugum afleiðingum (annars væri þetta nokkuð leiðinleg mynd). Treiler hér.

10. Stór terta með kertum og stjörnuljósum til Evu, Jónínu og Magga, sem komust öll inn í LHÍ. Við þurfum að fagna og skála í sódavatn.

Krazy Frootz: Restin

Jæja, nú er ávaxtagagnrýnin mín að fara í sumarfrí, enda er ég búinn að éta alla þá skrýtnu ávexti sem ég komst í (eða átti efni á). Hérna eru ördómar um restina af ávöxtunum sem ég át:

Barnabanani:

Bara.. alveg eins og banani, á stærð við kveikjara, fyrir bananaaðdáendur sem eru í mergrun.
4 Ananasar

Harðlífi:

Harður og grófur að utan, en eins og vínber að innan. Soldill kókoskeimur.
3 Ananasar

Grettu-valdur

Alveg eins og pínkulítil mandarína... en alveg hreint sjúklega súr! wá, ég fékk svona oj-hvað-þetta-er-súrt-vatn í munninn við tilhugsunina. Bjakk.
1 Ananas

Tomacco:

Einu sinni í Simpsons áttu þau heima á bóndabýli og ræktuðu Tomacco, sem varð til eftir að þau blönduðu saman tómat- og tóbakfræjum. úr varð fyrirbæri sem leit út einsog tómatur að utan, en var eins og munntóbak að innan. Þetta er það fyrirbæri. Alveg hreint viðbjóðslegt, bragðast einsog eyrnamergur
0 Ananasar.

Jæja...
Ég vil þakka Hagkaup fyrir fyrirtaks ávaxtadeild. Ég vil líka þakka þeim sem þurftu að bíða í röðinni fyrir aftan mig á meðan greyið á afgreiðslukassanum þurfti að fletta upp verðinu á þessum fáránlegu ávöxtum. Mér líður sem sjóndeildarhringur minn hvað ávexti varðar hafi víkkað svolítið. Takk fyrir mig.

miðvikudagur, maí 11, 2005

Double vision

Ég er enn í tvífarastuði.

Hér eru tveir sem hafa verið að pirra mig lengi:

Hvor þessara manna er grínistinn Dave Chappelle og hvor er söngvarinn í Faithless? Algerar spegilmyndir hvors annars. Þeir eru meira segja í eins jogginggalla! Hey strákar, þið eruð eins og negatíf mynd af Right Said Fred, snoðaðir Milli Vanilli, osfv.

Og hvað í andskotanum á þetta að þýða?

Gæjinn sem bjó til hinn vinsæla teiknimyndaþátt Family Guy er kominn með nýjan þátt, American Dad. Sér einhver muninn? Þetta er screenshot af heimasíðu American Dad. Svo heppilega vill til að það er auglýsing fyrir Family Guy á síðunni svo að fólk getur furðað sig á hugmyndasnauðinni. Það er ekki eins og að persónurnar séu eitthvað öðruvísi, onei. Í staðinn fyrir heimskan húsbónda og konu sem reynir að koma vitinu fyrir hann er heimskur húsbóndi og kona sem reynir að koma vitinu fyrir hann. Í staðinn fyrir talandi hund sem er hrifinn af mömmunni er talandi gullfiskur sem er hrifinn af mömmunni, osfv.

mánudagur, maí 09, 2005

Oj Bara


Hefur einhver tekið eftir því hve Christina Aguilera er lík Dee Snider, söngvara Twisted Sister ('We're not gonna take it', 'I wanna rock')? Það er ógeðfellt í rauninni.

Annars var ég að lesa það að 'Xtina' er með þá reglu að ekkert starfsfólk hennar má sá hana án andlitsfarða. Bjakk. Við erum að tala um bláa úðamálningu í gegnum skapalón og olíutúss-augabrúnir.

I need a piercing like I need a hole in my head... Quickly.

Jæja, þá er þetta alltsaman búið. Sýningin tókst vel og allir mjög sáttir. Það var mikið stolt í mínu hjarta þegar ég gekk um í mannþrönginni á Kjarvalsstöðum og skoðaði frábær verk samnemenda minna. Eftir sýningu var slegið upp heljarinnar partýi í 105, sem er kaffistofan í húsakynnum hönnunardeildarinnar. Þar var dansað með tárin í augunum eins og í Ultravox laginu, þetta yrði í síðasta sinn sem dansinn dunaði hjá hönnunardeildinni, útskriftarárgangi 2005. The last hurrah.

föstudagur, maí 06, 2005

Memo: come to show


Þessar myndir voru teknar af honum Tolla vini mínum í gær og í dag, og sýna þær glefsur frá Kjarvalsstöðum þegar við vorum að hengja upp verkin okkar. Þarna má sjá undirritaðan bregða fyrir, kominn með óléttubumbu af streitu. Við sjáumst á útskriftarsýningu Listaháskólans á morgun, laugardag kl. 14. Komdu fljótt eða vertu ljótt.

Ps. verkið mitt, slatta af því sem ég setti í möppuna mína og fleira skran má sjá á heimasíðunni minni.

fimmtudagur, maí 05, 2005

Woo-Hoo!!

Scott Savol var loksins rekinn úr Idol! Já einmitt, drullaðu þér bara heim, þarna konuberjandi feitabollan þín. Ekki láta hurðina skellast á rassgatið á þér á leiðinni út. Bææ-bææ.

Og það er bara eins gott að Anthony Fedorov verði næstur.

Annars er það að frétta af lokaverkinu mínu að það er allt að verða til, og ég er búinn að líma upp merkin og allt tilheyrandi. Það er mikið líf og fjör niðri á Kjarvalsstöðum þessa stundina, þar sem 150 útskriftarnemendur Listaháskólans eru að setja upp verkin sín. Stressið er að mestu horfið úr mér og tilhlökkunin við að klára loksins skólann tekin við.

Ég vil minna ykkur öll á að mæta á opnun útskriftarsýningarinnar sem verður á Kjarvalsstöðum laugardaginn næstkomandi (7. maí). Húsið opnar fyrir gesti klukkan 14 en opnunin er til 17. Svo verður sýningin opin út maímánuð á opnunartíma safnsins.

Ég hef lítinn tíma til að bloggarast, þannig að ég skil við ykkur með þessum skammti af nostalgíu:

Action Force, mar! ég átti alla kallana! Mikið vildi ég eiga þá alla enn, þá væri sko leikið með kallana sína á hverjum degi!

mánudagur, maí 02, 2005

Krazy Frootz #5


Þetta er Frostómatur. Að utan er hann eins og blanda af tómat og lauk, en að innan... ég bara veit ekki. Það sést kannski ekki vel á myndinni, en kjötið er glært og í pínulitlum, brakandi molum, alveg eins og bráðnandi snjóbolti, og svo glansar á það eins og það sé frosið. Svo lyktar hann alveg eins og kartöfluflögur. You tell me.
Bragðið er eins og blanda af safalausum tómat og fyrrnefndum kartöfluflögum.


Niðurstaða: Einn af þeim skrítnari á bragðið. Leist ekki vel á hann ef ég á að segja eins og er.

Einkunn:

Tveir Ananasar af fimm mögulegum.

sunnudagur, maí 01, 2005

Krazy Frootz #4


Jónína benti mér á þennan. Hann heitir Ugly, en mér finnst hann ætti að heita Myglusína. Það er mjög mikill rotnandi rass- fílingur á myglusínunni, og það glymur í henni þegar maður bankar í hana. Að innan eru þó bátar af fersku aldinkéti sem eru bara alveg gómsætir. Bragðið er mjög líkt appelsínu, nema að það er enn meiri safi, sem sprautast um allt. Ég mæli í raun með því að fólk kaupi sér frekar myglusínu en appelsínu, þar sem maður fær mun meira að éta fyrir peninginn.

Niðurstaða: Alveg topp-ávöxtur þrátt fyrir forljótt útlit.

Einkunn:

Fjórir Ananasar af fimm mögulegum - Takk, Jónína!