<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11318911\x26blogName\x3d\x27tis+the+ballad+of+Bob\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://balladofbob.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://balladofbob.blogspot.com/\x26vt\x3d-2569463983589778356', where: document.getElementById("navbar-iframe-container"), id: "navbar-iframe" }); } }); </script>





mánudagur, október 29, 2007

Blöðrublás

Á morgun, þriðjudaginn 30. október á ég tuttuguogsex ára afmæli. Í guðs bænum ekki vera að gera mál úr því. Ekki koma og faðma mig, gefa mér gjafir, óska mér til hamingju og/eða stjana við mig. Ég er alveg vaxinn uppúr þannig og þarf ekki innihaldslaust dekur til að fylla í eitthvað gat í sálinni minni. Hversu sorglegur haldiði að ég sé?

en að óskildum málum...

Á morgun mun ég vakna um klukkan 08:00 og að venju mun ég skoða tölvupóstinn minn, kíkja á mæspeisið mitt, skoða þessa færslu og ganga svo úr skugga um að enginn heillaskeyti hafi borist heim til mín (Hólmgarður 16, 108 Reykjavík).

Síðan mun ég fara niður í vinnustofu Nakta Apans Tryggvagötu og vera þar til 17:00. Ætli ég fari ekki í löns á... segjum Hressó... klukkan, jah eitthvað í kringum 13:05 til 14:13. Ég mun svo eyða kvöldinu heima, aleinn og mun alls ekki líta eftir lífsmarki útum bréfalúguna á fimm mínútna fresti.

Uppáhalds maturinn minn er heitur brauðréttur með aspas og ostakaka með bláberjum. Mér finnst gaman að bókum og ódýrum tækifærisgjöfum.

föstudagur, október 26, 2007

"Sjáðu hvað ég leigði elskan"

Kellingarmyndir sem eiginkonur eru líklegar
til að draga með sér heim af leigunni.


We Need To Talk

The Autumn of Affairs and Cancers

Forræðisdeilan

Prisoners Of Pillowtalk

Loooove!!!

What About the Children?

Daddy Has To Die

A Wanted Pregnancy

Amma Grætur

The Agony of a Desperate Heart (and I have Cancer)

I've Never Cried so Hard in my Life


En ekki Jónína sko.
Hér eru myndir sem hún leigir.


Bitchin' Barfights!

Guts For Dinner

Look Who's Slashing

The Wesley Snipes Collection

Magnificent T&A

Nornafingur

Hellmurder IV

Lotsa 'Splosions!

The World's Deadliest Breakdancing Marathon

When Autopsies Go Wrong

laugardagur, október 20, 2007

Bon Apetit

Hvaða siðlausa villimennska er þetta? Að taka andar- eða hænuegg sem er með nær-fullvaxta fóstri inní, sjóða það lifandi og kjamsa á brakandi innihaldinu? Hversu sikk getur þú verið?

Um daginn sá ég einmitt líka frétt um þá iðju að taka lifandi fisk og stinga honum hálfum í djúpsteikingarpott. Þannig var fólk að kjamsa á steiktum fiskinum á meðan hausinn á honum var ennþá að deyja.

Þessu pakki finnst það örugglega leiðinlegt að geta ekki pyntað dýr andlega líka. Þá væri hænumamma sko látin horfa.

mánudagur, október 15, 2007

Aðalnúmerin á Airwaves

laugardagur, október 13, 2007

eh?

Ég hló og hristi hausinn þegar ég sá þetta.

Erum við farin að sjá svipaða þróun hjá framhaldsskólunum og hjá auðmönnunum? Getur mögulega verið langt í að Tina Turner komi fram á balli hjá Fjölbraut í Ármúla? Ég mundi mæta.

En wá, Bloc Party ódýrari en Paparnir? úff. Hvað ætli lið einsog Bubbi kosti þá? Handlegg? Bókstaflega afskorinn handlegg í plastpoka? Ég er farinn í ball-bransann.

miðvikudagur, október 10, 2007

Til hamó kids.

FM Belfast Eru langbest og því kemur þetta ekkert á óvart.

Bob er ekkert að lagast í skapinu

Um daginn sá ég frétt um mann sem gæti fengið 30 ára dóm fyrir að stela kleinuhring. Þessi frétt fellur í hinn geysivinsæla fréttaflokk "Langur dómur fyrir að stela súkkulaði" sem er mjög vinsælt umræðuefni hjá hneykslunargjörnum aulum. "Oj, maður, fokking Ammrríka. Senda mann í 30 ára fangelsi fyrir að stela 60 króna nammi! Djíshös!"

Sko, að sjálfsögðu er ekki standard 30 ára refsivist þarna úti fyrir að stela Snickers. Afturámóti eru lög þarna sem segja að menn eru einfaldlega úr leik þegar þeir gerast síbrotamenn. Þessi lög heita "Three strikes and you're out" og ég styð þau heilshugar.

Þessi gaur sem um ræðir í fréttinni strunsaði inní búð, stakk kleinuhring inná sig og þrammaði aftur út, hrindandi starfsfólkinu utan í vegg á leiðinni. Hrindið hækkaði kæruna uppí árásar-rán og því fer sem fer.

Ég sæ tvær fyrirmyndar ástæður fyrir því að svona apamenni eiga að vera lokaðir inni til lífstíðar:

1
Þetta er augljóslega siðblint dusilmenni sem er krabbamein á samfélaginu. Það skiptir ekki máli að hann stal "bara" kleinuhring. Það skiptir máli að hann framdi glæp til að byrja með. Hann hefur framið marga glæpi, og hann ætti ekki að fá að fremja fleiri. Ég - sem mundi aldrei detta það í hug að stela og hrinda starfsfólki í 10-11 - vil ekki vita af svona ógeði á götunum.

2
Þrátt fyrir að vita af sínum eigin afbrotaferli framdi hann þennan aumkunarverða glæp. Þessi gaur er augljóslega svo heimskur að það er nauðsynlegt fyrir mannkynið að loka hann og svipað hyski inni, svo að þessir retards nái ekki að fjölga sér.


Ég vildi óska þess að svona lagað væri í gangi hér. Bara strangara. Af með hendur, nef og eyru. Snörur og fallaxir. Senda þennan ógeðis-ofbeldis-nauðgara-subhuman skríl í einhverja afskekkta grjótnámu og leyfa þeim að drepa hvorn annan einsog Neanderdalsmennirnir sem þeir eru.

þriðjudagur, október 09, 2007

Bob drullar yfir skoðanir almúgans.

'Bohemian Rhapsody' með Queen var nýlega kosið 'Besta tónlistarmyndband í heimi!' Fyrirgefðu, en fór þessi kosning fram á fávitasamkomu? Nei, auðvitað. Í Bretlandi, afsakið.

Svona er umrætt myndband:

Sjö mínútur af nærmyndum af svipbrigðalausum meðlimum hljómsveitarinnar að syngja.


Klippt af og til yfir á meðlimi á sviði.


Lélegir Jackson Five effektar.


Endir.


White Stripes? Björk? Beck? Michael Jackson? Radiohead? Halló?
Michel Gondry? Spike Jonze? Saam Faramand? Martin Scorsese? Einhver?


PS-
Og svo er 'Cry Me A River' með Justin Timberlake í 3. sæti?! OK, ég veit að hann gerir ykkur konurnar gleiðar, en það video er bara hann að skoða tóma íbúð og að taka sig upp á video að sleikja andlitið á einhverri stelpu.

föstudagur, október 05, 2007

Slappaðu af

Næst þegar þér finnst grimm örlögin og ljótt mannkynið vera á móti þér, regn- og tárvotur horfandi á eftir hlýjum strætó brunandi burt án þín, ekki missa alla von. Það eru til sálir sem eiga það verra en þú. Eins hryllilegt og lífið kann að virðast, þá komast þín smávægilegu óþægindi og pirringur ekki í hálfkvisti við stórkostlegar hrakfarir Guillaume le Gentil.


Nágranni okkar í sólkerfinu, Venus, á það til að brölta á milli okkar og sólarinnar. Þetta gerir hann tvisvar með átta ára millibili, á aldarfresti. Til dæmis kom hann síðast á milli sólar og jarðar árið 2004, mun endurtaka leikinn 2012 en mun ekki gera það aftur fyrr en árið 2117. Þið skiljið hvert ég er að fara.

Vísindamenninu Edmond Halley (sem halastjarnan er skírð eftir) kom það til hugar að með því að reikna saman nokkra punkta á þessu ferðalagi Venusar frá mismunandi stöðum á jörðinni væri hægt að finna fjarlægð jarðar frá sólu og um leið reikna út fjarlægðina frá okkur til hinna reikistjarnanna. Ekki spyrja mig um smáatriðin eða stærðfræðina, svona virkar þetta bara. Því miður lifði Halley ekki að sjá þetta kosmíska fyrirbæri, en næst þegar Venus kíkti á rúntinn, árið 1761, var heimurinn tilbúinn.

Hin franski Guillaume le Gentil var einn þeirra fjölmörgu vísindamanna sem lögðu af stað til hundrað mismunandi staða á jörðinni til að sjá skrípaleikinn. Hann var galvaskur og lagði af stað ári fyrir tímann til að sjá sjónarspilið á Indlandi, en eftir rosalegt vesen og tafir var hann enn úti á sjó þegar Venus fór framhjá sólinni. Þar sem maður getur ekki tekið svona mælingar á skipi sem kastast til og frá, var tækifærinu klúðrað.

Le Gentil hafði greinilega ekkert betra að gera næstu átta árin, því hann ákvað að halda ferð sinni áfram og fylgjast bara með næsta umgangi, árið 1769. Með átta ár til að undirbúa sig, setti le Gentil upp fyrsta flokks athugunarstöð. Hann stillti og endurstillti búnaðinn og hélt öllu í fullkominni biðstöðu. Restinni af tímanum eyddi hann í að greiða skeggið sitt eða eitthvað.

Þegar 4. júní 1679 rann loksins upp vaknaði le Gentil við glampandi sólskin og heiðskýran himinn. En um leið og Venus hóf göngu sína, tróð lítið ský sér framfyrir, einsog Björk í röðinni á Sirkus og huldi sólina nákvæmlega eins lengi og á ferðalaginu stóð: Þrjá klukkutíma, fjórtán mínútur og sjö sekúndur.

Le Gentil var skilanlega nokkuð miður sín, en var stóískur og pakkaði dótinu sínu saman í kyrrþey. Hann hélt í langferðina til næstu hafnar en á leiðinni smitaðist hann af blóðkreppusótt, sem er grafalvarlegur iðrasjúkdómur sem lýsir sér með óstöðvandi, blæðandi niðurgangi. Í heilt ár lá hann á sjúkrabeðinu og var oftar en ekki við dauðans dyr.

Okkar maður var enn veikburða þegar hann staulaðist loksins á lappir og kom sér um borð í skip á leið til Evrópu. Einsog venjan er orðin í þessari sögu var ferðin allt annað en róandi sigling. Skipið lenti í gríðarlegum fellibyl undan ströndum Afríku og le Gentil þeyttist kúkandi um þilfarið með lífið í lúkunum.

Guillaume le Gentil komst loksins heim til Frakklands eftir að hafa sóað ellefu og hálfu ári af ævi sinni í leiðangur sem skilaði engu nema sjóveiki, leiðindum og þreyttum bossa. En þetta er ekki búið enn: Hann hafði í fjarveru sinni verið skráður látinn. Annar maður hafði verið ráðinn í stöðu hans við Vísindaakademíuna, konan hans hafði gifst öðrum manni og ættingjar hans höfðu í syngjandi sveiflu eytt aleigu hans í vitleysu.

Hananú. Líður þér ekki bara betur núna?


PS-
Þú getur lesið um le Gentil og aðrar vísindalegar hrakfarir sem og sköpun alheimsins og allt sem honum tengist í bókinni A Short History of Nearly Everything eftir Bill Bryson.

PS2-
Já, og fjarlægðin til sólarinnar eru tæpir 150 milljón kílómetrar.

fimmtudagur, október 04, 2007

Wówsa

Mér finnst það með ólíkindum að fólk nenni að horfa á fótboltaleikinn sjálfan þegar svona sturlun er í gangi á áhorfendabekkjunum:



Þessir krakkar í S-Kóreu eru semsagt í jökkum sem eru rauðir að framan, gulir að aftan og svartir að innan. Svo snúa þeir sér og opna jakkana eftir einhverri kóreógrafíu. Þessir krakkar og þeirra uppátæki, ha?

þriðjudagur, október 02, 2007

Úr annálum íslenskrar auglýsingasögu

Pælingar milli myspace vina

Wá, einu sinni var Macy's bara einhver kellingarverslun einhversstaðar í Ameríku. Núna er Macy's samnefnari fyrir vírusa, spam, aulaskap, vesen, rugl og ömurlegheit.

Ég tel það öruggt að Macy's hefur tapað milljónum í PR á þessu myspace-spamm rugli.

Og af hverju Macy's? Myndu ekki fleiri falla fyrir þessu ef þetta væri gjafakort frá einhverju sem fólk langar virkilega í, Apple eða eitthvað?

Hverju sem líður, þá er hérna mitt eigið myspace spamm: