Ég hef lítið séð íslenskt sjónvarp undanfarið. Málið er að ég er hræddur við að stilla á það. Núna er einmitt árstíð mest pirrandi og ógeðslegustu auglýsingar heimsins: Malt auglýsingarinnar með litlu syngjandi stelpunni. Ég bara get ekki afborið að sjá þennan árvissa hrylling. Það mundi skemma alla aðventuglaðværð sem kynni að blunda í hjarta mínu. Segið mér, ER þessi ofbjóður í gangi þetta árið, eða hefur Egils séð aumur á þjóðinni og sparað henni tárin að horfa uppá þessa hveitiþöktu sprund syngja um skotthúfur og piparkökur? Brr.

Hins vegar finnst mér árleg jólaauglýsing Tuborg vera yndisleg, þrátt fyrir að ég drekki ekki auglýsta vöru.