Tíví

Ég hef kveikt á sjónvarpinu í svona klukkutíma á kvöldi og þá er það bara til að hafa mannsraddir í eyrunum meðan ég er í tölvunni, sem getur verið róandi þegar maður er kominn með leið á tónlistinni sinni. Ég sit venjulega þannig að ég sé ekki á sjónvarpsskjáinn og því var það slys að ég sá auglýsingu fyrir þáttinn "Fyrstu Skrefin" á Skjá Einum. Þar blasti við sveitt, þrútin, blóðug og berbrjósta barnsfæðing. Ef þetta var bara auglýsingin, hversu grafískur hlýtur þátturinn að vera?

Það er eflaust svona löguðu að þakka að tölvan hefur hér um bil algerlega tekið við af sjónvarpinu sem minn helsti afþreyingarmiðill.


PS-
Hversu mikið ógeð er fæðing í vatni?
Þær gera það í svona uppblásnum barnasundlaugum, sko. Það er nógu agaleg tilhugsun að standa uppúr heitapott og vera með hárklump eða plástur límdan við sig, hvað þá marga lítra af sultuþykku blóði, eftirfylgju og legköku.