Auglýsingar eru góðar fyrir þig

Ég vinn við að búa til auglýsingar. Það er skemmtilegt og gefandi starf sem ég nýt þess að sinna. Góð auglýsing sem hefur eitthvað að segja er (sjaldgæfur) fjársjóður og ber að virða sem þarft innlegg í þjóðfélagsvitundina. En það eru ekki allir sammála mér í þeirri skoðun.

Ég var staddur á dimmum bar. Þetta var staðurinn sem foreldrar hræða fermingarbörnin með; á svona stað endi þau ef þau drekka bjór. Það var rautt tungl og gallbragðið fyllti loftið. Ég reyndi að halda ró minni á meðan ógurlegur durgur á hinum enda barsins starði á mig á illvígan hátt. Hann var sveittur á loðinni bringunni og var makaður í því sem virtist vera öxulfeiti. Skyndilega stóð durgurinn upp og óð í gegnum reykmettann staðinn í áttina til mín. Ég kláraði bjórinn og signaði mig. Durgurinn þeytti saklausum gestum staðarins úr vegi sínum á leiðinni og hlammaði sér niður við hliðina á mér. Hann var þögull. "Gott kvöld", sagði ég og kyngdi hræðslugubbi. "Blessuð blíðan". Hann þagði enn. Skyndilega færði hann sig nær mér og sagði með bylmingshárri röddu og andfýlu sem orð fá ekki lýst: "Menn einsog ÞÚ láta mig kaupa hluti sem ég þarf ekki, fyrir pening sem ég á ekki. Hvað segirðu við því, LYGARI?!"

Hvað gat ég sagt? Ég teygði bara höndina djúpt í vasann minn og ÞEYTTI FRAM ÞESSUM AUGLÝSINGUM HÉR!



"AAUURRRGH!" Öskraði durgurinn þegar hann blindaðist af snilldinni. Hann gufaði upp fyrir augum mér og barinn breyttist í notalega félagsmiðstöð fyrir unglingana í hverfinu. Guð blessi góðar auglýsingar.

To be continued.