Upprisan

Áðan var ég í Kringlunni (ekki spyrja) og þar var allt stappað af dimmiteringar liði í hinum ýmsu búningum. Öll draugfull með bús í Mixflöskum sem voru oní hanskanum á búningnum. Secúrítas í mesta basli með að henda þeim út. Algert standoff. Fullir Súpermaríós stóðu sína grundu á meðan kylfukallar með puttann á meis-brúsanum sögðu "Þetta er ekki skemmtistaður! Viljið þið komykkurÚT!"

Ég var alveg "fokk jee!" á meðan ég labbaði framhjá. Þetta var alveg einsog gömlu samræmduprófadjömmin, nema INNÍ Kringlunni þetta skiptið!

Erum við að sjá nýja hefð hér? Eru krakkarnir sem ekki fengu að djúsa fyrir utan Kringluna eftir samræmdu að fá uppreisn æru sinnar á framhaldsskólaárunum? Ég styð það.