Ég elska Vörutorgsgæjann

"Já, hver kannast ekki við aukakílóin. Þú nærð þeim af þér með þessu frrrrÁbæra tæki."

BOB CPH, Smoothenhagen

Við Homer erum farnir til Kaupinhafnar að éta pylsur og hrogn. Þetta verður fjörferð (sjóv með Rolling Stones) en það verður svolítil vinna inn á milli (sýning um Jónas Hallgrímsson). Tölvan fer því með og því má búast við færslum að utan og áframhaldandi internetfíkn sem er farin að teygja sig útfyrir landssteinana.

Það er ástæða fyrir því að ég horfi meira á tölvuna en imbann.

Black Donnellys
Runaway
3lbs
Angela's Eyes
All Of Us
Sex, Love and Secrets
Sleeper Cell


Hvar í ósköpunum grefur SkjárEinn upp þetta flettirekka skran?

Bókamerki

Hey stelpur, ég veit að það er voðalega spennandi að fá loksins að lesa seinustu Harry Potter bókina, en getum við ekki sleppt því að lesa í oggu-stund á meðan við erum á fremsta bekk á rokktónleikum?

Ef ég væri að koma fram þarna mundi ég taka eina villta Axl Rose dýfu yfir til þeirra og loka bókunum kurteisislega. "Sussubí. Farðu nú bara heim að sofa ástin mín."

Engar útskýringar

Hættu því sem þú ert að gera, settu á þig heyrnartól, hækkaðu í tölvunni og horfðu á Þetta.

Mæ Öm-Barella

Söngkonan Rihanna var að slá met sem Wet Wet Wet höfðu áður haldið með þvölum ballöðufingrum: Hún hefur verið á toppi breska vinsældarlistans í réttar tíu vikur. Þegar ég las þessar fréttir fannst mér tími til kominn að hlusta á þetta lag í fyrsta skipti, sem ég og gerði á myspacinu hennar núna rétt áðan. Þar sem ég hlusta hvorki á útvarp eða M- og PoppTV hef ég hingað til verið algerlega uppá öræfum með þetta lag, sem sjálfsagt gervöll heimsbyggðin er komin með sjúklegt leið á.

Lagið er með grípandi laglínu og þessi snotra dúlla er með nokkuð minnistæða rödd með mátulegu geitar-jóðli í lok hverrar línu. Ekkert spes, en ekkert hryllilegt heldur. Bítið er ekkert nema la-la módern Arrenbí. Það sem ég hef aðallega út á lagið að setja er að aulinn hann Jay-Z er í forgrunni. Ég fyrirlít þann gæja og alla þá sem kalla hann JayHova einsog hann sé einhver rímnajesú. Almáttugur, röddin hans er einsog eggvopn í eyrun á mér. Kóbraslanga vafin um ístaðið. Þessi hæfileikalausi trúður á smjörsýru hefur ekki gert gott lag síðan 'Ain't No Nigga' og það var árið 1996. Hananú.

Nú þegar ég hef komið þessu frá mér, vil ég koma mér að efni þessarar færslu: Leitin að sumarsmellinum 2007, sem ég tel að 'Umbrella' sé ekki.

Á hverju ári virðist koma út hiphop/RnB lag sem er svo fárálega vinsælt/grípandi að bókstaflega ALLIR geta verið sammála um ágæti þess. Ég man þegar 'Hey Ya' flóðbylgjan stóð sem hæst. Þá var mögulegt að yfirgefa Kaffibarinn þegar hippsterarnir hoppuðu uppá borð við "one-two-three!...", ganga niður Laugaveginn meðfram bíl fullum af Creed-krádi sem var að spila fyrsta erindið og koma svo inn á Prikið til að sjá skopparana syngja með viðlaginu. 100% nýting á hlustendahópnum. Meira að segja ÞÚ elskaðir það lag fyrstu tvær vikurnar.

Ég tel að þessi sumarsmellur sé ekki ennþá kominn í ár. 'Umbrella' er svo sannarlega nógu vinsælt, en það er ekki nógu grípandi fyrir alla hlustendahópana til að tileinka sér. Það vantar þetta "Heeeeeeeeyyjjjaaaaaaa" eða "Craaaaaaazzzaaaayyyy" til að öskra með bjórsletturnar á jakkanum.

Það hafa komið nokkrir kandidatar í ár, en bara of snemma. Til dæmis kom "My Love" með Justin Timberlake út í vetur og er því ekki keppnishæft. Við þurfum sumarsmell til að fullkomna bókhaldið gott fólk!

Allar uppástungur / lagfæringar á eftirfarandi lista eru vel þegnar.

2007:
'Umbrella' ??
2006:
Gnarls Barkley - 'Crazy'
2005:
Kanye West - 'Gold Digger'
2004:
Usher - 'Yeah' ??
2003:
Outkast - 'Hey Ya'
2002:
50 Cent - 'In Da Club'
2001:
'Bootylicious' með Destiny's Child??
2000:
Hugmyndir?

Auðvitað eru örlög hiphop sumarsmellsins að vera fyrirlitinn og hataður um alla eilífð þegar við höfum heyrt hann sjötíu sinnum of oft. Mín spurning er þá öllu heldur þessi:

Hvaða lag sem kemur út í sumar verðskuldar sameiginlegt hatur okkar allra í haust?

Óþögul Höfuð

Talking Heads eru besta band ever og það er heilagur sannleikur. Hér eru linkar á jútúp myndbönd af tónleikum David Byrne og félaga í Róm 1980. Official tónleikamyndin þeirra, Stop Making Sense er alveg æðisgengið listaverk og fín sönnun um snilli Talking Heads á sviði, en mér finnst frammistaða þeirra í Róm vera mun hressari og spontant. Þetta er stormandi sjóv sem vekur fólk dansandi upp frá dauðum og skilur hermikrákur einsog The Rapture eftir í rykskýi.

Hér eru mín allra uppáhalds:
Psycho Killer, Life During Wartime og The Great Curve.

Harry Potter Spoilers!

Jæja þá hefst live bloggið mitt úr röðinni fyrir utan Mál og Menningu á Laugavegi. Ég hef komið mér fyrir og allt í kringum mig eru fellow Harry Potter aðdáendur að glamra á töfra-lútur (gítara) og að lesa fyrstu sex bækurnar upphátt, bara svona til að hita sig upp. Ég var einmitt að klára hraðlestrarnámskeiðið mitt í dag, þannig að ég ætti að komast yfir "Harry Potter og Vindlar Faraósins" um helgina. Ég er með töfraseyð í hitabrúsa (aspassúpu) og er búinn að fara í Hagrid búninginn minn. Kastið á mig kveðju ef þið eigið leið hjá. OK wizards! Bara tveir tímar eftir! Let's do this!!"

Ég hitti ykkur síðan á DJ Mehdi / Lazer / Jack Schidt / FM Belfast húllumhæinu á Barnum og á Terrordisco á Kaffibarnum eftir það. Ég verð gæjinn sem er að lesa Harry Potter við barinn. FRIÐUR!

Kær kveðja,
Kaldhæðnis-Björn

Myndir af Eyðiey

Við Jónína fórum til Flateyjar fyrr í sumar. Loksins eru allar myndirnar komnar úr framköllun þannig að ég skelli hér með nokkrum inn, að beiðni ferðamannaráðs Flateyjar. Ég man ekki hver tók hvaða myndir, en Jónína tók vafalítið þær flottustu.

Úr sólskini í fláið mannfólk

Í fréttunum í gær voru talandi hausarnir í Ísland í Dag svo yfir sig hlessa yfir blíðviðrinu undanfarnar vikur að þau sneru sér forviða að Sigga Stormi og spurðu, "HVAÐ ER AÐ GERAST!?" og sýndu honum sólbrúna lófa, sem titruðu af forvitni. Bændur sitja uppi með skrælnað gras og sólbrenndar beljur. Sumarbústaðaeigendur geta ekki lengur sturtað niður því vatnið er búið. "Og þið getið rétt ímyndað ykkur lyktina þar!" benti prófessor sólbrenndur á og glotti til áhorfenda. Bjórsala rýkur upp úr öllu valdi og ísinn er orðinn af svo skornum skammti að þeir eru farnir að nota hvítt skipalakk í staðinn. Slysavarðstofur og eitrunarvarnir eru í viðbragðsstöðu. "Mesti hlýindatími íslandssögunnar" stendur á verðlaunaborðanum sem veðurguðunum var afhendur fyrir framan trylltan múg ljósmyndara og veðurfræðinga. Leifturljósin minntu á þrumuvagn Þórs.

Ég spurði sjálfan mig fyrst að því hvort liðið sem stundar spray-tan og þannig ógeð fagni ekki veðurblíðunni sem miklum peningasparnaði. En svo rann upp fyrir mér að spray-tan liðiðinu er væntanlega ófært að fá sólbrúnku, þar sem þau eru auðvitað hjúpuð í appelsínugulu slori. Er það ekki rétt hjá mér?

Grasið er sölnað og brúnt og baðgestir í Nauthólsvík hafa óafvitandi tekið svo mikinn sand með sér heim á milli tánna og rasskinnana að það þarf að ferja meira af skeljasandi inn á pramma frá Gíbraltar. Svartir bílar eru skildir eftir við vegarkant með bráðnuð mælaborð og sjóðbubblandi svalahyrnur í aftursætinu. Það sem voru áður fallegar vaxlitamyndir á ísskápnum eru núna skrælnuð og eldfim blöð með marglitum poll fyrir neðan. Ísskápurinn sjálfur er fullur af bjór og hömstruðu grasi. Býflugur bölva guði fyrir að hafa skapað þær í pels.

Ég hef reyndar oft spurt sjálfan mig að því hvort það sé hægt að búa til pels úr býflugufeldi. Þá fyrst pirrar maður grænfriðunga, Amnesty og pakkið í kertafleytingum fyrir ekki-myrta hunda. "Já. þrettán þúsund dýr þurftu að deyja til að gera mig smart. Hvað ætlar þú að gera í því?" Mér finnst -hvað pelsa varðar- að því fleiri dýr sem þurfti að drepa, því fallegri er flíkin. Þess vegna myndi ég frekar kaupa hamstrapels en ísbjarnarpels. En samt er það langmest flott að gera leðurbuxur úr mannaskinni. Jebb, buxur með nafla er það sem koma skal.

Ætli þær geti sólbrunnið?

Njomm og Kjams á sumarhelgi

Þeir sem ekki hafa smakkað hrefnusteik ennþá eru annaðhvort vitleysingar eða móðursjúkir Ameríkanar sem meta sæ-beljur meira en mannslíf. Hvalir eru syndandi steikur og það er ekkert að því að kjamsa á höfrungum, steypireiðum og jafnvel rostungum ef þeir eru með einhvern kjaft. Allavega, þá fjölmenntum við á Sægreifann á föstudaginn og skelltum nokkrum hrefnupinnum á grillið. Þar er Bring Yer Own Booze reglan í gangi og áttum við góðar stundir í sólinni á meðan Kanar í hvalaskoðun köstuðu blómsveig í hafið til að minnast slátraðra risa hafsins.

Ég á voða sniðugan bol sem ég mundi taka mynd af ef ég nennti að grafa hann uppúr kassa, en á honum stendur, "I Love Whales... For Dinner"

Eftir það röltum við yfir í Hljómskálagarðinn, sem er Austurvöllur hugsandi mannsins. Fögur tjörn, litrík blóm og friður fyrir blindullum bola-lýð í hakkísakk og rónum á trúnó við ferðamenn. Jónína bjargaði andarunga úr kattarkjafti og kom honum aftur út í tjörn. Án vafa það krúttilegasta sem ég hef séð það sem af er sumri. Ástæðan fyrir því að fólk býr á Íslandi eru svona yndislegir sumardagar. Þessi mergjaða karnívalstemning sem myndast á sólríkum föstudegi er gjörsamlega ómetanleg. Þegar það er sumar á Íslandi mega allar Parísar, Berlínar, Nýfundnalönd og Bandaríki éta það sem úti frýs.

Svo vil ég líka þakka FM Belfast fyrir skemmtilegt tónleikahald undanfarið. Það er einsog að sólin sé alltaf úti þegar þau spila. Ég held að ég hafi barasta aldrei séð þau nema í gegnum sólgelraugu. Yndislegir krakkar alveg hreint.

Kaffærðar standpínur

Það er fátt eins agalegt og pör í sundi, sérstaklega í bola-sundlaug einsog Grafarvogslauginni. Það er eitt sem ég hef aldrei fattað: Hvað er það við sundlaugar sem lætur fólk halda að það sé OK að stunda klámkelerí og dry-hömping á almannafæri? Fokking káf og standpínusleikir og erótísk faðmlög og læra/klof núningur fyrir framan krádið í heitapottinum! Djöfuls dónaskapur. Væri svona í lagi á kaffihúsi, í strætó eða í kirkju? Ég meina, ég sit svona fimmtíu sentimetrum frá ykkur. Er ykkur hundunum algerlega ófært að hemja gredduna í fimm skitnar mínútur meðan þið skreppið ofan í heitapott? OJ, ég fann alveg tippa-smurninginn liðast frá honum og á mig.

PS
Er þessi sund-og-pulsu-át rítjúall séríslenskt fyrirbæri? Gera þeir svona í útlöndum?

Spilerí

Bobby Smooth og Kokomo spila fágaða músík og snekkjurokk á Barnum í kvöld. Rólegheitin byrja kl. 22.

Jöfn takkaréttindi.

Í þessum tölvuvædda heimi sem við búum í, af hverju er ekki búið að gefa @ sinn eigin takka á lyklaborðinu?

"Hvernig geri ég att merkið?" "-Já, þú gerir shift-slaufa-ufsilon á meðan þú hægrismellir" eru orðaskipti sem ég er þreyttur á að heyra.


Af hverju er þetta ekki til?

Reyndar hef ég aldrei kynnst neinu öðru en Apple og það má vel vera að á einhverjum lyklaborðum í BT sé att merkið að finna. Engu að síður eru Delete, Sjö og Shift með sína föstu staði á lyklaborðinu. Hví ekki standard staðsetningu fyrir þetta tákn sem við notum sirka þrettánhundruð sinnum á dag?

KNALL!

Einhverntíman í eitís var ég að horfa á ofbeldisfulla kvikmynd á VHS (kannski American Kickboxer I) með tveimur vinum mínum, Bigga og Sigga*. Við vorum allir að dást að Cynthiu Rothrock sparka í hálsinn á einhverju beru-að-ofan dusilmenni þegar Siggi dró upp haglabyssu og miðaði henni á andlitið á mér. Á meðan ég hugsaði um hvort ég ætti að fá mér Hockey Pulver eða Gult Lindubuff hleypti Siggi af. Rauð gúmmíkúlan small á gagnauganu mínu og ég æpti einsog leðurblaka að fæða. Þetta var sárt, mér brá einsog andskotinn og strákarnir skellihlógu að mér. Þetta er ein af mínum kærustu bernskuminningum.

Byssur. Í þá daga varstu ekki drengur með drengjum nema að eiga þunga járneftirlíkingu af alvöru drepvopni. Rambo, Commando og Cobra sýndu okkur börnunum hvernig átti að drepa Dolph Lundgren og við öpuðum eftir. Yndislegt. En í dag er heimurinn svo dauðvona af vænisýki og aulaskap að þú getur ekki keypt dótabyssu án þess að hún sé úr lillabláum svamp með rauðum doppum og lafandi klemmudýrum. Byssur í dag eru bölvað skran. Þær segja "bjúbjííú" og "Drúrúrúrúrúr" en ekki "PCHEWWAAOOWW!" og "Die Mutherfucker!" Hvaða heilvita smávita myndi detta í huga að fara í byssó með svona smánarlegu þroskaleikfangi? Í heimi þar sem allt sem við elskuðum sem börn hefur verið endurvakið, nauðgað og aulað upp eru BYSSUR það eina sem aldrei verður hægt að endurskapa í upprunalegri mynd.

Það er mín skoðun að skotvopnaeftirlíkingar og knallettur séu hin eina sanna eitísminning. Einfaldlega vegna þess að hún er eina eitísminningin sem stendur óspjölluð eftir.

Wá, hve knallettur voru besti hávaði í heimi. Wá, hvað það var góð lykt af knalletureyk. Wá, hversu fyndið orð er "knallettur"? Maður plaffaði úr þessu einsog ósónlagið væri bara ævintýri og gerði jafnvel byssuhljóð á meðan. Svona til að skapa alvöru víðóma skothljóð. Maður tók meiraðsegja pappírsrúllu af knallettum og sprengdi þær með tíkall. Ég furðaði mig alltaf á því af hverju það væru ekki til hríðskotaknallettubyssur. Alveg, "tatatatatatatatatatatattaaaahhh!"

Og svo voru það byssurnar sem skutu í alvöru (gúmmí reyndar) einsog Siggi skaut mig með. Ekki bölvaður sjéns að þannig blindunarmaskína yrði framleidd í dag. Maður pumpaði þessar byssur upp og baunaði á hvern hímankallinn á fætur öðrum. Nú eða í stelpur. Eða andlit. Eitís var tími ofbeldis. Kurt Russell drap lið í beinni og Action Force (uppáhalds dótið mitt) gekk algerlega út á að drepa og að stinga á hol.

Dót í dag er svo glatað maður. Það sem áður voru dauðasveitir í dótakassanum eru núna öryggishjálmar með pissudýnu og nauðgunarflautu. Öryggi fyrir börn er í fínu lagi en ég man reyndar ekki eftir því að nokkur hafi dáið af gúmmískoti eða kafnað á plasthníf. Mig hryllir við tilhugsuninni hvernig börn í dag munu verða í framtíðinni. Ég vil ekki vera á elliheimili og láta þessar pastelbleyjur sem ólust upp við álfabyssur með hjálpardekkjum vera það eina sem stendur á milli mín og Al-Qaeda.

Kæru fyrirtæki: Þið megið homma upp Transformers og Schwarzenegger eins mikið og þið viljið, en þið munið aldrei taka af mér minningarnar um knallettureykinn og blóðbaðið eftir "hver deyr best".


---------
*
Ég hugsaði aldrei um Bigga og Sigga sem eitthvað tvíeyki með rímandi nöfn. Ég var bara að taka eftir þessu þegar ég skrifaði þetta núna. Þeir áttu reyndar heima í sömu blokkinni. Pabbi Bigga var sjómaður og kom alltaf með dót frá Rotterdam sem enginn hafði séð áður. Gólfteppið heima hjá Sigga var grænt og virtist vera úr þæfðri ull.

ööö mamma, viltu kaupa flugmiða til Ameríku handa mér?

Þeir hafa breytt nokkrum 7-11 búðum í alvöru Kwik-E-Mart! Ég þangað.



OMG! Buzz Cola og Krusty-O's!



Squishee! Ég ætla að fá Apu's Experimental Chutney flavor. "You can really taste the chutney!"



Þeir eru meiraðsegja með Frostilicus!


Hér er skoðunarferð um Kwik-E-Mart í Burbank, Ca.

En hey... enginn Duff bjór?