Superbawl

Superbowl er á morgun og það mun fjúka framhjá mér einsog allt sem tengist íþróttum. Hér er einhver lúser að grenja því liðið hans datt úr keppninni. Ég LOFA að það er þess virði að horfa í gegnum allt vídjóið.

Oj. Þið gleymduð að hafa skrúðgöngu líka.

Nei heyrðu nú skulum við flýta okkur hægt í tilgerðinni. En hallærislegt.


Og sérstök STFU* skammarverðlaun fær Sigmundur Ernir fyrir þessi fleygu orð:

„Ég hef haft gaman af að smíða úti í garði...“

*sýpur kaffi og horfir dreyminn til himins*

„...en nú ætla ég að byggja þjóð“

bwuhuhuhuhu (aulahrollur)


*Uppdeit*
Pfft, frestað til morguns. Svona fer þegar maður eyðir of miklum tíma í að plana dramatíska framsetningu.

Vel lagt, AULI

Ég sver að þetta eru lög meitluð í grjót: Því dýrari sem bíllinn er, því verr er hann lagður í stæði.

Eru eigendur góðærisjeppa og Bensa sósíópatar? "Ekki vera fyrir mér, heimur! Ég heiti Villi Veskjastór og stoppa bílinn þar sem mér hentar, þeas á ská!"

Þetta hefði kannski viðgengist 2007. "Mamma, þetta vatnshöfuð tekur þrjú stæði!" - "Nei elskan, þetta er útrásarvíkingur og hann er örugglega að flýta sér svo mikið að gera samninga að hann hefur ekki tíma til að leggja einsog maður." En núna? Sjii. Fyrst það er ekkert eftir að mótmæla þá segi ég eggjakast og trommuslátt á vanhæfa leggjara á fínum bílum.

Uppdeit-
SKO! Ökumaður Hummer blindfullur að keyra á fólk. Ógeð.

Gasalega smart

Klámleikarar eru alltaf svo lekkerir.

Plorp

Ef maður fretar einsog gamall bíll af rúsínum, af hverju gerist það ekki þegar maður borðar vínber? Er þetta ekki sami hluturinn?

Famb

Jámm, mikið Fimbulfambað um helgina. Það fer ekki á milli mála að þetta er besta spil jarðar. Æsispennandi og stórskemmtilegt. Það sem er spes við Famb er að þetta er eina spilið sem gengur út á sköpunargáfu. Pictionary er soldið skapandi, en er meira um að túlka hluti á skiljanlegan hátt. Svo er Famb mun styttra en flest spil einsog Trivial og Scrabble, sem er skemmtilegt, en bara heil eilífð að klára (því er ekki lokið fyrr en allir stafirnir eru búnir).

Allavegana, ég lærði tvo góða frasa sem má nota dags daglega:

Dyndilhosi er monthani. Kanye West er mesti dyndilhosi í heiminum. Svo er að mælast til skófna að tala illa um sjálfa/n sig til að fiska eftir hóli. Segjum sem svo að vinkona þín segist, með aumingjalegum tón vera svo feit og ljót að allir vilja að hún deyji bara. Þá átt þú ekki að segja „Nei! þú ert svo fögur og smekkleg og æðisleg!“ Heldur áttu að segja „hmmmmm mér þykir þú mælast til skófna...?“ (með snobbuðum tón á milli tesopa).

Fimbulfamb, spilið sem alltaf kennir manni eitthvað nýtt.

Varðandi jólin

Dagar jólatrésins okkar eru taldir og það hlakkar í mér að pakka því inní teppi og henda því framaf bryggju úti á landi. Ég tók samt fínt góss undan trénu þetta árið, meðal annars:

Senseo kaffivél
Í raun bara hraðsuðuketill sem getur kreist vatni í gegnum sérútbúna kaffipúða. Alveg fínt kaffi, en okkur Jóní finnst leim að verða alltaf að kaupa official kaffið dýrum dómum. Þannig að við fórum á ebay og keyptum okkur svona margnota dót sem passar þar sem púðarnir fara. Maður getur fyllt það af hvaða kaffi sem maður vill. Múhaa, in yer face Philips og Merrild!

Bartskera
Jamm svona rafmagnsrakvél með stillanlegri sídd og meiraðsegja nasa- og eyrnahárasnyrti. Það kemur sér vel, því ég er kominn með svo sítt eyrnahár að ég heyri illa. Ég var einmitt farinn að fá nóg af gömlu rakvélinni, sem ég held að hafi ekki verið með hnífsblöðum inní heldur pínulitlum höndum sem rifu skeggið úr eitt hár í einu.

Hitt og þetta
Þórður frændi minn ætlaði að kaupa Planet Earth þættina en var gabbaður til að kaupa Blu-Ray útgáfuna (wtf?). Ég spurði skiptidömuna hvort þau ættu DVD útgáfuna og hún sagði ekki sjans, uppselt hjá útgefanda. Heyrðu, haldiði að gæjinn á undan mér í röðinni sé ekki bara að skila DVD útgáfunni. Ég myndi kalla mig lukkunnar pamfíl ef ég vissi hvað pamfíll væri. Svo auðvitað góðar bækur, góð föt og lítinn viskípela sem ég get falið inná mér í kirkju.

Og síðast en ekki síst (alls ekki síst, heldur BEST)...

FIMBULFAMB!
Eftir þrotlausa leit fann Jónína loksins spilið sem ég er búinn að vera að væla um í mörg ár. Besta spil í heimi! Uppselt síðan Macaulay Culkin var frægur og ófáanlegt síðan þá. Nú þarf ég að finna mér eitthvað annað til að væla um. Já og Jóní gaf mér líka hina 10kg þungu risabók um Andy Warhol. En já, ég skora á hvern sem er á hólm í 'Fambi.

Hvað fenguð þið?

Þegar ég var barn kallaði ég rakettur 'Púmmaljós'

En já til hamingju með nýtt ár og knús til allra. Ég hef verið að einbeita mér að því að fylla kvótann af söltu kéti með brúnni sósu og Quality Street fyrir árið. Ég ætti að fá aftur löngunina til að sporðrenna þannig gúmmilaði eftir á að giska ellefu mánuði. Þegar ég horfi um öxl stendur það væntanlega hæst að ég batt endi á 2+ ára feril minn sem einyrkjahönnuður og fór að vinna á Fíton, þar sem er dúndrandi ofsakæti alla daga. Það er kannski helsta ástæðan fyrir því að hér hefur verið býsna þögult undanfarið og það litla sem heyrðist býsna stutt. Ég er nebbnilega ekki lengur heima á náttbuxunum allan daginn að bora í nefið við tölvuna. Ég er núna sko í vinnunni á náttbuxunum allan daginn að bora í nefið við tölvuna. Dúrr-um-tissj.

Ég ætla samt ekki að lofa neinu átaki í blogginu, hvorki í fjölda né gæðum. Það eru engin áramótaheit hjá mér... Annað en hjá vertíðarpakkinu í leikfimi. "Í kjólinn eftir jólin" liðið sem herjar í svitabaði á tækin mín tugum og hundruðum saman í nákvæmlega þrjár vikur. Ég bara meika ekki sveittan múg. Djók ég er enginn leikfimiþurs. Guð blessi þessa keppi og kappa. Sjáumst eftir næstu áramót segi ég bara við þau.

JÆÆÆÆJJJJJAAAAAAH...

Ég sem ætlaði að setjast niður með Cocochino og blaugga soldið í kósíheitum. En nei, þá er ógeðsleg hjörð af unglingum fyrir utan að sprengja svoleiðis dómsdagsknallettur satans. Ég er ekki að meina svona litla afgangs froska einsog við í gamla daga, heldur sko hverja fjölskyldutertuna á fætur annarri. Svona ómerkta pappakassa með tugum kílóa af sprengiefni. Djíses, fá þessir ofdekruðu náttbuxnaálfar ALLAN þann pening sem þau biðja um??

andvaaaarrrpp.