Dextrometorfan

Er með þennan hryllilega berklahósta sem er að gera mér lífið leitt. Þar sem ég var að fara til tannlæknis í morgun þá varð ég að fá eitthvað við þessu svo ég færi ekki að hósta og emja og fá borinn í tunguna. Ég fór í apótekið og keypti hóstadópið Dextrometorfan. Eftir að hafa tekið vænan slurk var mér litið á hliðarverkanaviðvörunina (nojaðir gaurar eins og ég skoða alltaf hliðarverkanirnar, við viljum vita hvað mun hrjá okkur). Þar stóð eftirfarandi:

"Lyfið veldur stöku sinnum þreytu, ógleði og uppköstum, einnig svima og ofskynjunum og skal töku lyfsins þá hætt. Leitið læknis ef einkenni eru svæsin".

Ógleði, uppköst og ofskynjanir? Ég seldi næsta róna sem ég sá flöskuna og hann þakkaði pent fyrir sig. Hann verður eflaust á fljúgandi trippi í kvöld, og alveg laus við hósta.

En tannlæknirinn var skemmtilegri reynsla í flesta staði. Á meðan hann var að bora og agnúast í úldnum tanngarðinum í mér glápti ég á flatskjá sem var búið að skella í loftið ("E! True Hollywood Story: Mark Wahlberg" var í gangi). Er núna að japla á dofnni tungunni. Njamm, tunguhakk.