COP ON THE EDGE PART 1: MORNING.

Morgunn. Ég held að minnsta kosti að það sé morgunn. Hvernig komst ég heim? Það var stelpa með mér í gær, hún er horfin. Ég hef sofið í fötunum aftur, þau eru krumpuð og skítug. Byssan er þó enn á sínum stað í handakrikabyssubeltinu mínu. Rykflyksurnar dansa í sólargeislunum sem berast inn um beyglaðar hansagardínurnar. Sokkar, lóð og pitsukassar liggja um allt gólf og öskubakkinn er troðfullur af sígarettum. Morgunsígaretta myndi taka burt mesta viskíbragðið uppí mér. Ég sest upp í sófanum og strýk skeggjaða hökuna. Hvernig er líf mitt orðið? Er dauði konunnar minnar af völdum kókaínbarónsins Zevallos að ná til mín? Fer með höndina ofan í vasann á leðurjakkanum mínum. Lucky Strike filterslausar. Pakkinn er tómur. Ég krumpa pakkann og hendi honum í hrúguna með hinum tómu Lucky Strike pökkunum.

Félagi minn, Lloyd, er enn að berja á hurðina. "Vaknaðu, Jack, þú veist að borgarstjórinn er að anda niður um hálsmálið á lautinantinum! Minn rass mun ekki brenna inni með þér. Fredericksen málið leysir sig ekki sjálft!" Ég stend upp og veð draslið að hurðinni. Um leið og hann strunsar inn og fer að væla um lífernið á mér og lyktina hér inni ríf ég hótunarbréfið frá leigusalanum af hurðinni og hendi því í hrúguna af hótunarbréfum, sektum og reikningum, á bakvið Lucky Strike hrúguna.

Ég er með dúndrandi höfuðverk. Þvælan uppúr Lloyd hjálpar ekki. Þessi pappírspési. Hvað veit hann um að leysa mál? Hann er nýútskrifaður og veit ekkert í sinn haus. Blautur á bakvið eyrun. "Fara eftir reglunum" segir hann alltaf. Helvítis skriffinnur. Hann mundi ekki lifa af daginn á breiðstrætum La Cienega þegar rökkva tekur. Dólgarnir þar gæfu honum engin grið. Hvað var lautinantinn að spá þegar hann setti okkur saman? Lautinantinn veit mætavel að ég vinn einsamall. Eina leiðin fyrir mig til að líka við þennann aula, Lloyd Doggett, er að hann bjargi óvænt lífi mínu, helst eftir að ég tel hann látinn eftir að hafa verið skotinn í öxlina í skotbardaga við einkaher einhvers kókaínbaróns. En það mun aldrei gerast. Svona pjakkar eiga að halda sig á bakvið skrifborðið.

Morgunmatur. Ég tek fram drulluskítugann blenderinn. Tvö hrá egg, rotin skinkusneið af gólfinu, tabasco-sósa og gamall sokkur af eldhúsborðinu. Ég set blenderinn í gang og úr verður dökkrauð drulla sem ég blanda út í viskí og þamba. Lloyd hvetur mig til að prófa að borða hjá honum og grænmetisætunni kærustunni hans, Alison, sem er komin átta mánuði á leið. "Segðu mér hvernig ég á að lifa mínu lífi einu sinni enn og ég mun sjá til þess að þú borðar tennurnar þínar í morgunmat". Ég finn eina beyglaða Lucky Strike liggja á bakvið klósettið þegar ég pissa og hósta.

Ég set á mig lögregluskjöldinn um hálsinn. Hann er það eina sem heldur mér gangandi. Þangað til Zevallos hefur hlotið þau örlög sem hann á skilið mun ég ekki hvílast. Það er byssukúla merkt honum og hún skal komast á leiðarenda. Lautinantinn tók málið af okkur, en ég mun ekki segjast. Fredericksen málið má bíða. Ég klára þetta í dag. Angelo Zevallos, líttu vel á sólina rísa, því í dag skaltu falla!

Snopes situr fyrir svörum

www.Snopes.com er vefsetur sem gaman er að skoða endrum og eins. Þetta er síða sem fjallar um það sem má kalla á góðri íslensku 'urban legends'. Mæli með að skoða 'Cokelore' og 'Disney'.

Hverju sem líður...
Þeir fá mikið af spurningum frá fólki sem vill fá svar við einhverjum sögusögnun sem þeir hafa heyrt. Þessar spurningar eru sumar hverjar ansi broslegar. Hér gefur að líta nokkrar af þeim undarlegri...
Linkur

Keðjubréfafífl

Mest sorglegu, glötuðustu og tilgangslausustu fáránlegheit sem ég get ímyndað mér eru djöfulsins keðjubréf á netinu. Ég bara skil ekki hugarfarið á bakvið þetta. "Sendu fimmtán vinum þínum þetta, annars færðu herpes og munt aldrei finna sanna ást." Hvað er málið? Það er ekki eins og að sá eða sú sem byrjar á þessu fær að sjá ávöxt erfiðis síns, þar sem það eru engar líkur á að þetta berist til baka. Ef þessi örverpi með hækjur og hor væru ekki svona ótrúlegir erkifávitar þá myndu þeir fara og búa til alvöru vírus í staðinn fyrir að senda eitthvað svona ruslpóst-pussu-keðjubréfs ógeð.

Þetta fann ég á myspace áðan:

From: Kate
Date: Jul 25, 2005 12:00 PM

DO NOT OPEN IN FRONT OF PARENTS...5 PPL ACTUALLY GOT KILLED BY NOT SENDING THIS PIECE OF MAIL.THE CREATOR OF THIS MAIL HAS A PROGRAM THAT WILL TRACK DOWN UR ADDRESS.REPOST THIS IN 15 MINUTES OR DIE.WHAT DO U HAVE TO LOSE? UR LIFE. PLZ REPOST! THANK YOU AND HAVE A MEANINGFUL REST OF YOUR DAY

&&&&&&&&&&&&&&&&&&&&&&&&&&&&&&&&&&&&&&&&&&&&&&

Sorry, but because u opened this you will die in 3 days. sorry. the only way you can reverse this is by reposting it within 5 minutes. good luck

By opening this chainmail u have been given bad luck for 2 months. If u repost this message then the bad luck will turn good.

Here are the rules.

1)Give the bulletin a name that has nothing to do with a chain letter because this letter is a trap. The="0"e people that you trick, the better luck you will have


Hvaða vatnshaus er þetta eiginlega? Mér fallast hendur.

Au Currant

Klymaxx - Meeting in the Ladies' Room
Þú ert heit gella á barnum í flottasta outfittinu þínu. Þér gengur ágætlega og ert komin með einn gæja sem er til í tuskið. En vandamálið er að hinar stelpurnar eru líka á eftir honum. Þú verður að hafa snarar hendur. Þú afsakar þig og skýst örstutt á klósettið og færð þér kókaín. Sjálfstraustið komið í lag og hann er þinn. Alveg hreint ofsa skemmtilegt eitís grúf.

Snoop Dogg og Justin Timberlake - Signs
Hvað er fólk alltaf að dissa Justin? Hann gerir góða tónlist, hvað er þetta. Kommon. Áfram hann.

Flaming Lips - Bohemian Rhapsody
Mjög vel heppnað Cover.

Otis Redding - These Arms of Mine
Ég er farinn að fíla þessa soul-gæja alla. Þessa menn sem maður sér upptökur af í sjónvarpinu: Í ljósbláum jakkafötum og svitinn BUNANDI af þeim. Ég er ekki að djóka. Svitinn svoleiðis vellur af þeim svo að fremstu röðinni á tónleikunum er hætt að lítast á blikuna. Ég hef aldrei séð annað eins. Þeir eru verri en Ritchie í Bottom (Þetta er samt virkilega virkilega gott lag, þvílík sál í þessu).

Selurinn

Ég rakst á þetta fyndna merki á Skólavörðustígnum um daginn:

Þessi selur er greinlega ekki að fíla að vera handleikinn af olíubornum, bláum höndum. Allavena skárra en að vera drepinn með beisball kylfum af einhverjum Inúítum.

Talk Talk

Þetta er alveg hreint frábær auglýsing. Ein af þeim betri sem ég hef séð.
Linkur

Myndahorn Bjössa

Sjáiði þennann gæja úr einhverjum skúringavörubækling! Hann er alger dvergur!

Sjáiði Karl Bretaprins, hann er með brjálaðan möllett!

Harpa var blindfull einhverntíman á Sirkus, að hlæja og anda að sér gló-ormum.

Ég trúi ekki þessum gæja. Hann er í einhverjum sturluðum Mad Max galla með plastpoka fullum af skítugum svitaböndum (eða eitthvað)

Þetta eru myndir frá Snoop Dogg tónleikunum...



Snoop má finna þarna einhversstaðar, en eins og sjá má voru löggurnar með allan varann á, með portable eftirlitsmyndavélar á lofti. Eins og alger pimp fór ég í eftirpartýiið, sem var reyndar með öllu slakasta móti. Þarna var frítt bús (m.a. ókeypis Moét kampavínsflöskur, ein þeirra situr núna á hillunni minni, tilbúið fyrir ammælisdaginn minn) en enginn frægur (sem við var að búast). Og músíkin í partýinu sem var helgað Snoop Dogg?
-Pulp Fiction sándtrakkið. Á repeat.

The Clubhouse

Hérna er nokkuð sniðugt mashup. dansgrúppan Clubhouse blandar saman 'Do it Again' með Steely Dan og 'Billie Jean' með Michael Jackson. En það sem er merkilegt við þetta lag er að þetta fann ég á 7" plötu í Kolaportinu. That's right, mashup frá 1983!

Þið þekkið þetta, hægrismella og seiva.
Linkur

Þessi færsla markar ákveðin tímamót hér á Ballöðunni, fyrsti tónlistarfællinnn sem ég shera ólöglega. Ég mun setja fleiri lög hingað ef ég rekst á eitthvað sneðugt.

Heyrðu, og svo bara Snoop Dogg í kvöld! Hollaaaa!!

Hlæ hlæ hlæ

Ég verð bara að linka á þetta. Mjög óheppilegur bolur til að vera í þegar þeir taka mugshottið af þér...
Linkur

Who's Who? -Who's Who!

Alger seleb er maður orðinn. Enginn friður fyrir hönnunarpressunni...
Linkur

Happy Boifday!

MP3 heldur tíunda afmælisdaginn sinn heilagan í dag, 14. júlí. MP3 mun taka á móti gestum í veislusal Kiwanisklúbbsins Höfða að Engjateigi 11.
Linkur

Mmmmm

Hvað er aððér? Fílaru ekki glassúr?

Djöfusins rosa hlussa af glassúr er á þessu. Ég væri alveg til í að stinga báðum hnefunum á kaf í þessa leðju og troða því öllu saman uppí mig og smjatta á því þangað til tennurnar mínar leysast upp í sæta, brúnleita drullu og vella út úr munninum á mér. Nei djók, þetta er alveg ógeðslegt.

*hrollur*

Þetta er mest creepy samansafn af ljósmyndum sem ég hef séð.
Linkur
*UPPDEIT* Þau voru snögg að taka niður þessa síðu eftir að hún fór eins og eldur í sinu um netið. Ég get rétt ímyndað mér hvurslags tölvupósta þessi fegurðarsamkeppnissíða hefur fengið.

Hérna er ljósmyndari/photoshoppari sem hefur svona lagað að atvinnu
Linkur

blessuð blíðan

Hérna er útsýnið út um gluggann minn síðustu dagana...

Angst for the memories

Hér er topp 30 Vinsældalisti X-ins 97.7 síðan um sumarið 1997. Þetta var maður að grúfa við í unglingavinnunni á sínum tíma...

1. Quarashi feat. DJ Tvíhöfði - Útlenska lagið
2. Verve - Bittersweet Symphony
3. Radiohead - Karma Policce
4. Prodigy - Smack my Bitch Up
5. Ultra Naté - Free
6. Puff Daddy - I'll be Missing You
7. Strike - I Have Peace
8. ETA - Casual Sub
9. Soma - Grandi-Vogar
10. Gala - Freed From Desire
11. Suede - Film Star
12. Oasis - D'You Know what I Mean
13. Talúla - Sykurpabbi
14. PP Pönk - Kúrekabúggí
15. Foxy Brown - Big Bad Mama
16. DJ Rampage, Mr. Bix & Subterranean - One Way
17. Coolio - C U When You get There
18. Vínyll - Hún og Þær
19. Súrefni - Disco
20. Wu Tang Clan - For Heaven's Sake
21. Puff Daddy - Been Around the World
22. Hurricane - Just an Illusion
23. Depche Mode - Home
24. Bellini - Samba De Janero
25. Rosie Gaines - Closer than Close
26. Chemical Brothers - Electro Bank
27. Lesqea - Fulton Street
28. Maus - ímeila Þig
29. Dæla - Feit og Fín
30. Housebuilders - El Ritmo

Það er ekki laust við að um mann fari smá nostalgíufiðringur. Þarna eru nokkrar góðar minningar ('Útlenska Lagið'), nokkrar slæmar minningar ('I'll be Missing You') og nokkur lög sem má flokka undir 'G' eða 'Guð minn góður, hvað er í gangi hérna??' (Samba De Janero, Coolio)

Ég gat raulað langflest lögin á listanum, en þarna eru nokkur sem eru algerlega horfin úr mínu minni (hver eða hvað er Lesqea?)

Crazy like my man Patrick Swayze

Arna er svo mikill töffari

Myndir af föstudagsdjamminu á Flickr síðunni minni.
Linkur

Ég setti á laggirnar grúppu á Myspace sem er fyrir alla atvinnuglæpamenn, landasala, vasaþjófa, handrukkara, hórumangara, skjalafalsara, okurlánara, slagsmálahunda og brennuvarga sem hafa kallað Breiðholtið heimili sitt.
Linkur

Ég sá stelpu áðan sem var með regnbogalitaðar reimar á skónum sínum, í svona s&m/tekknó buxum sem eru allar í rennilásum og lafandi böndum, með nælu sem stóð á "I love girls" og í bol sem stóð á '"Nobody knows I'm a lesbian". It's all about the sublety, my friend.

Í Kringlunni er hin árlega World Press Photo sýning. Voðalegt volæði er alltaf á þessum myndum. Hvar eru myndirnar af smábörnum í býflugnabúningum, smábörnum í blómapottum og svarthvítu myndirnar af vöðvatrölli að halda á smábarni?
Linkur

Og ég sem ætlaði í megrun...

Why bother að hjóla um með sveitt rassgatið og éta ekkert nema servíettur með kotasælu? Ég ætti bara að gera eins og Mariah Carey....

og bara FOKKING AIRBRUSHA MAGAVÖÐVA Á MIG!!

Mylsnur

Jæja, það er allt farið:

Þessi ófrýnilegi massi af hári var einu sinni á höfðinu á mér en er núna á leiðinni to that great wig factory in the sky. Ég er enn að grípa í tómt þegar ég ætla að setja hárið á bakvið eyrun og mér var kalt á hnakkanum þegar ég labbaði heim, en engu að síður er ég mjög sáttur við að vera laus við lubbann.

Ahh! Ahhahaha hahahaaa!
Ég er að horfa á svona hard hitting journalism pistil um fíkniefnaheiminn á Íslandi í fréttunum á Stöð 2. Svona fréttapistill að bandarískri fyrirmynd með dramatískri tónlist, svarthvítum myndum af fíklum og spennandi hljóðeffektum: Kókaín! búmmsh!! E-Pillur! daddara!! Handrukkarar! Wíú, wíú!! ....Stöð 2 investigates!! En það sem lét mig skella svona uppúr var þegar þulurinn sagði: "Smyglararnir senda burðardýr sem enginn myndi gruna að væru að fela eitthvað, fólk eins og mig og þig.... EN! Tollverðirnir á Keflavíkurflugvelli eru þaulvanir sérfræðingar í að þekkja hin minnstu merki um glæpi!!" Og hver þrammar þá eins og hetja og handtekur glæpamann með valdi? Nú hún vinkona okkar hérna:

Hún er svo krúttileg! Rangeygð og með alltof stóran lögguhatt í litla tollvarðarbúninginum sínum. Mússímússí!

Annars er líka í fréttunum þessir viðurstyggilegu mussuklæddu ofbeldisseggja-hippar sem eru að leggja Edinborg í rúst vegna G8 fundarins sem þar fer fram. Þeir storma um göturnar og eyðileggja allt sem þeir sjá í blindni af því að "Bush er, þú'st glataður!" og "Mengun er ekki kúl, eða þú'st!"Það var mynd af einhverjum grey manni sem átti bara leið hjá bílnum sínum, og þessi helvítis villidýr með shitlocks ráðast á bílinn hans og brjóta allar rúðurnar og beygla hann í klessu. Ég vona það að rústa bíl saklauss mannsins hafi gert lífið aðeins betra fyrir svöngu börnin í Afríku, eða látið Bush líða illa yfir því að vera asni. Helvítis gerpi svona óeyrðahippar. Troðið Michael Moore bókunum uppí rassgatið á ykkur og hundskist aftur heim á spenann á mömmu!

and finally...

Er þetta fréttnæmt? Efni í forsíðufrétt? Er sú tilviljun að umfjallanir um tónleika þessara tveggja manna lentu á sömu síðunni í Roskilde Daily að segja eitthvað um frægð eða velgengni Mugisons? Bloggið mitt er á sama interneti og heimasíða Jennifer Lopez, er það einhver heiður eða merki um velgengni mína?

Ekki vildi ég læra þarna

Það er skóli í Brasilíu sem kennir Asísk fræði og tungumál. Það er svosem ekkert frásögum færandi nema hvað að þeir eru með svolítið einkennilegt merki. Eruð þið tilbúin? Hér er það. Ég hef í raun ekkert við þetta að bæta.

Dett

Neverending Fall er fyndið. Smá distörbing, en fyndið. Þegar þú hefur fengið nóg af því að fylgjast með misförum þessarar bikiniklæddu gellu á smjörsýru getur þú stjórnað henni með músinni. Það er líka fyndið.

fyrir 640.000 íslenskar krónur...

Þvílíkur endemis hálfviti

Au Currant

Bloc Party - Like eating glass
Í London fór ég á *ekta* enskan veitingastað, þ.e. stað sem selur bara enska rétti. Þarna voru eintómar bökur með ógeði inní (Kindney pie, Eel pie). Ég fékk mér kjúklinga og brokkólí böku. Ég held að í henni hafi verið eitthvað sem smitaði mig af veiru sem lætur mann fíla alþýðulega enska rokktónlist. Angistarfullt og ágætt lag sem er örugglega um að drepa sig. Söngvarinn er svartur.

Clap Your Hands Say Yeah - Tidal Wave
Þetta er rokk-armur hljómsveitarinnar !!! skilst mér. Mjög líkt the Cure, ef the Cure væri góð hljómsveit. Ef þú ert Cure-fan og hefur eitthvað við þessa glósu að athuga, farðu þá bara einhvert og dansaðu við dauðann. Dansaðu við dauðann þangað til ylvolgar öldur algleymisins umlykja þig kæfandi myrkrinu. Hvíslaðu að brúnum, brothættum blómunum: Ekki gráta. Ekki gráta.

Crosby, Stills & Nash - Just a Song Before I Go
Ég er viss um að það er fleira, en það er amk. þrennt sem ég öfunda mömmu mína af:
a) Hún hefur séð Bítlana.
b) Hún hefur séð the Eagles.
c) Hún hefur séð Crosby, Stills og Nash.

Kaiser Chiefs - I Predict a Riot
Við erum alger aulaþjóð. Þvílíkar dyramottur með hor. Af engri ástæðu datt stjórninni í hug að tvöfalda verðið á dísilolíu. Þetta þýðir að það er jafn dýrt að nota dísil og venjulegt, sem er hvað 480 kall líterinn? Leigubílstjórarnir koma væntanlega verst út úr þessu, en þeir taka þessu þegjandi og hljóðalaust. Aular. Ef það væri EINHVER mæna í þessum leigurum þá myndu þeir blokkera allar götur með bensínlausum bílunum sínum og storma inná þing, sveiflandi trékúlusætisáklæðunum sínum og slettandi úr fiskibolludósum. Bylting!


Þessi færsla er tileinkuð minningu Luther Vandross, sem ég hef í raun ekkert hlustað á.

Æj já, þessi færsla er líka tileinkuð svöngu börnunum í Afríku.