F

Ég tók ekki eftir því að það væri blótað svona mikið í The Big Lebowski. Hér má sjá þessa stórkostlegu kvikmynd stytta niður í ekkert nema "fuck":
> Linkur

Og hér fær Scarface sömu meðferð:
> Linkur

En þetta finnst mér best. 'Straight Outta Compton' með NWA - bara blótið:
> Linkur

LOKSINS!

Jippí! Ég er loksins orðinn heill maður á ný. Ekkert meira einmanalegt þramm um bæinn, í slitnum skóm og labbisvita á brá og hnakka. Núna geri ég aftur einsog sannir karlmenn gera: Þeysi stoltur á hjólhestinum mínum og hring-hringi bjöllunni minni.

Jamm ég keypti mér nýtt hjól. Það er svart, þriggja gíra með lukt og bögglabera. Alveg 1890 týpan, þegar hjólreiðar voru herramanna-tómstundargaman.

Þetta er ógeðslega dýrt og vel unnið reiðhjól. Bremsurnar voru meiraðsegja stilltar af gæjanum sem lagar hjólin hans Ralf Hütter í Kraftwerk. Þetta er ALLS EKKI 2-fyrir-1 Prostyle hjól úr Hagkaup sem ég pillaði límmiðana af.


Þetta hjól mun ekki mæta sömu örlögum og það síðasta. Ég keypti algeran Rambó-lás til að halda hjólinu öruggu. Sama keðjan og Eimskip notar í akkerin sín. Það þýðir því lítið fyrir þig að klippa á lásinn minn aftur, þarna þjófótti smjörgölturinn þinn!

Kvikmyndaspjall

Þessi Garfield-mynd virkar ekki. Af hverju er Grettir tölvuteiknaður en ekki öll hin dýrin?












Svo er það með myndina Cars, hvaða rugl er það að hafa augun í rúðunni? Allir vita að augun í bílum eru ljósin!









SKO!

Ég hef reyndar ekki séð þessa mynd, en ef þetta er heimur af bílum, fyrir hvern eru þá sætin í þeim?

Döh.

Ég var geðveikt lengi að fatta þennan almennilega.
En þegar ég gerði það þá hló ég dátt og skellti mér á lær.

Linkur

"Stútaðonum"

Ég var að ráfa niður laugaveginn þegar ég fann fyrir heiftarlegum þorsta. Til að slá á hann kom ég við í Kirsuberinu og keypti mér sykurlaust 7up. En þá er ekki öll sagan sögð.

Fyrir utan búðina var samtal í gangi sem vakti áhuga minn. Ungt par, tiltölulega eðlilegt í útliti, var að tala við einn þann hellaðasta gæja sem ég hef augum litið. Hann var tuttuguogeitthvað, skítugur, sjúskaður og illa til fara. Klæðaburðinum mátti best lýsa sem kaffi Thomsen um aldamótin síðustu. Gjörsamlega skemmdur eilífðardjammari á E og spítti.

Ég varð forvitinn um þetta samtal þegar ég heyrði hellaða gæjann segja, "Bróðir minn er algjör kókfíkill sko. Hann er í meðferð núna. Hann barði einu sinni mann með beisball kylfu fyrir framan börnin hans. Stútaði honum." Röddin var rám af djammi og talandinn eins og dópistum er einum lagið. Ég ákvað að lufsast í kringum þau til að heyra meira. Drakk langan sopa af gosinu mínu, kíkti á símann minn og þess háttar. Eyrun sperrt og laumugægjur á gaurinn. Alger njósnari.

"Þetta er ekki einu sinni mitt eigið blóð" sagði hann og benti á skálmarnar á buxunum, sem voru skítugar, útvíðar og jú blóðugar. "Ég barði gaur í gær sko, en ég kýldi hann skakkt sko." Hann otaði hnefanum framan í strákinn til að sýna hvernig hann kýldi hann vitlaust. "Fór í tennurnar sko. Fossblæddi mahr. Það ætlaði aldrei að hætta að blæða úr honum. Alveg kreisí."

Ég hugsaði með mér hversu nöturlegt það hlýtur vissulega að vera að lifa slíku vesældarlífi eins og þessi gaur. Ég var að horfa á nákvæmlega þann gæja sem stormar um Hafnarstrætið klukkan tíu á sunnudagsmorgni og traðkar á saklausum höfðum þangað til heilinn liggur úti. Þegar hann stóð þarna á gangstéttinni, reykjandi sígarettu og stærandi sig af kasjúal ofbeldisverkum fyrir einhverjum sem ég held að hafi verið frændi hans, fann ég fyrir geysilegri vonleysistilfinningu fyrir hönd mannkynsins. Hvernig ætli sé heima hjá honum? Hvað ætli sé uppáhalds lagið hans? Hvar djammar hann? Það er alltaf einhver sem hefur það verra en þú.

Mórall sögunnar er, ekki fara niður fyrir Bankastrætið á djamminu. Þar fyrir neðan er gresja hellaða gæjans.

For completists only

Ég hef lengi verið þeirrar skoðunar að hún Björk okkar Guðmundsdóttir er ógurlegur yfir-útgefari. Hún virðist stöðugt vera að senda frá sér einhver box-sett, söfn, best-of og video-pakka. Svo sá ég þessa grein í Pitchfork:

Lesa

...og þeir stálu orðunum úr munni mér. Svona í alvöru. Take it easy með fjárplokkið, Björk.

Eeeeh, hver er ég svosem að standa á sápukassa og benda fingri. Ég mundi eflaust gera það sama ef ég ætti tugþúsundir trylltra safnara sem gleypa við svona. Þessar eyjur borga sig ekki sjálfar. Á meðan það eru enn til ríkir japanskir krakkar og spænskir iðnhönnuðir með týpugleraugu sem berjast um þetta þá mun þetta halda áfram. Kanski er næsta skref að gefa út box-sett fyrir öll box-settin. Það box-sett kæmi í svona pappakassa utan af ísskáp.

"Björk - The Refrigerator Carton-Set". Svo mundi fylgja með svona segulstál eftir Gabríelu Friðriksdóttur.

Limósínur eru vélar sem breyta fólki í hálfvita.

Positano

Hver er með?



























Sjitt, það mætti halda að það væri gott veður eða eitthvað.

Mennskir geiminnrásarmenn

Þetta er eitt það mest yfirþyrmandi lúðalegasta sem ég hef augum litið. Getið þið ímyndað ykkur vinnuna sem fór í þetta?

Flott samt.

Jæja...

Farinn að sleikja Sólina.

HITABYLGJA! MALBIKIÐ LOGAR!

Sólin álpast hingað fyrir misskilning og íslendingar láta ekki segja sér það tvisvar. Í ofboði skulum við ryðjast í hvurs lags biðröð sem gefur af sér fæðu sem er viðeigandi á ágætisviðrisdögum. Hvort sem það er pylsa, ískrap, smúðí, pitsusneið, ísbolti, bragðarefur, Glætan, ísblóm eða -nál.

"Bongóblíða mahr!" Öskrum við í sólgleraugnaklætt andlit náungans. "Þessu er spáð frammá helgi! 'Tli mar kík'ekkí bústaðinn!" Náunginn er sama sinnis.

Sundlaugar minna á mosh-pitt á Pantera tónleikum og vatnið í pottinum verður þykkt af húðflyksum. Ungum konum sem hætta sér framhjá setulauginni er nauðgað með augum tattúveraðra bílasprautunarmeistara sem nikka hvorn annan, "sjáðu kjötlokuna á þessari kjall! Ha!" Börn með sundkúta og hrufluð hné væla í sturtunni.

Fólk treðst undir á Austurvelli, Ægisíðan breytist í línuskautaráðstefnu og ylströndin í Nauthólsvík virðist allt í einu góð hugmynd.

Á martraðarkenndan hátt sortnar svo himininn í grill-reyk þegar heil höfuðborg skellir banana, grænmetispinnum og gulum baunum á eldinn.

Má ég fá smá gúrku með þessari pylsu?

Ég var að kjamsa á pylsu með tómat og sinnep báðum megin og að lesa eitt dagblaðanna í sjoppunni á móti vinnunni minni þegar ég rakst á litla frétt á öftustu síðunum. Þar var verið að segja frá því að Barbie-dúkka í íslenska þjóðbúninginum væri til sölu á ebay.

Er ég einn um að muna eftir því að þessi frétt er reglulegur gestur á síðum íslenskra ókeypis-blaða? Ég sver, svona þrisvar-fjórum sinnum á ári kemur svona gúrkubomba:

"TRYLLT BIDDING-FRENZY Í EITTHVAÐ SEM TENGIST ÍSLANDI Á ERLENDUM UPPBOÐSVEF!"

Í fyrsta lagi, who gives a shit? Og í öðru lagi: það er nöturleg tilhugsun að það virðist vera mánaðarleg rútína hjá íslenskum blaðamönnum að slá "Iceland" inn í leitina á ebay til að grafa upp svona fréttaleysur.

Ég reif fréttina úr blaðinu og þurrkaði sinnepsdrullu úr munnvikunum með henni.

Eftir að hafa vegið það og metið lengi...

Þá ákvað ég að fá mér frekar tattú sem fer lítið fyrir.

Holy Shit

Take it easy með nostalgíuna. Á að drepa mann hérna?

Gleðileg árþúsundamót! #2

Hér er saga sem ég skrifaði í árþúsundamótablað Fréttaheims FB fyrir einhverjum sjö árum síðan:


















Fólk virðist oft gleyma því að við erum ekki fyrsta heimsbyggðin sem heldur upp á árþúsundamót. Þetta er atburður sem hefur oft gerst alla mannkynssöguna. Hér er lítil saga sem gerðist fyrir þúsund árum, eða 31. desember árið 999.

999
Örlög gestsins

Það þóttu tíðindi eina vetrarnótt, að maður draup að dyrum á bænum Auðn í Auðnasveit. Húskarl að bænum svaraði þar banki hins dularfulla gests:

"Hvur er það sem bankar hér að kveldi? Er þar á ferð hrímþurs nokkur, eða kanski er hér Kölski sjálfur á ferð? Eða hver ert þú sem hneypir svona ákaft?"

Hinn dularfulli gestur svaraði svo:
"Öngvinn er ég púki, en þreyttur maður er ég og í leit að áningarstað. Ég heiti Grímur hinn sveitti og er nauð mín mikil. Hver er húsbóndi að þessum bæ?"

-"Það er Göltur hinn akfeiti, sem á þetta býli", svaraði húskarlinn og sagði ennfremur, "Hann er sómamaður mikill og þekktur hér í sveit. Ennfremur vill hann ávalt hjálpa sveinum í nauð og hleypi ég þér hér með inn."

Gekk þá Grímur inn í bæ og inn í baðstofu þar sem öll fjölskyldan var komin saman. Göltur hinn akfeiti reis þá úr rekkju sinni og mælti:

"Nauð þín er mikil fyrst þú kemur hingað og truflar blót okkar. Hér lofsyngjum við Óðinn og færum honum fórnir. Hér er systir mín og eiginkona, Gerður hin þrútna. Á ég tvo sonu sem kemba þar ull, og heita þeir Grettir og Grettir hinn mjói. Hér sérðu föður minn, Gallmund hinn flogaveika, sem hefir tekið sótt og dáið. Húskarl minn hefir þú hitt og heitir hann Gimlir hinn ofsótti".

Gesturinn Grímur tók þá af sér klæði og kvað vísu:

Sögruð sverri flagða
sumbleklu þér, kumbla -
Því tel ég, brjótr, þar er blétuð,
bragðvísan þig Göltur.
Leynduð ekki alls til illa.

Göltur tók þá af sér klæði einnig og hlóg þá dátt. Stóður þeir karlar, gestur og húsbóndi naktir og hlógu. Tók þá Göltur til máls:

"Ódæl þykja mér kveðsköp þín, ungi sveinn og er limur minn nú stinnur af löngun og fýsir mig að vita hvort kynvilla þín sé mikil?"

Grímur svaraði svo:
"Löngvum hefir mér langað beran karlmannslegg að strjúka, og er nú limur minn enn stinnari en áður þótti, nema bæði sé. Vil ég nú kveða vísu um ástarleik þann er ég þrái:

Kann ég mála mjöt
of manna sjöt;
Úr hlátra ham
svo fór það fram
að flestr of nam.

En er gesturinn Grímur gerði sig búinn til maka, slóg þá annar sonu Galtar, eða Grettir hinn mjói til Gríms. Göltur tók þá fram rýting nokkurn og rak hann í vömb Gríms svo að iðrin lágu úti. Féll þá Grímur dauður niður. Tók þá Gerður hin þrútna til máls:

"Til dýrðar Óðni höfum vér nú fengið hina æðstu fórn,eða blautar garnir úr ungum sveini. Munum vér nú leggja iðrin á blóðaltari oss og munum vér blóta hin ginnheilögu goð fram undir kvöldbi."

Hlóg þá bæjarfólk dátt og drakk úr hornum sínum.

Líkur hér með sögu þessari og ekki þykir annað markvert hafa gerst þá vetrarnóttina.

Gleðileg árþúsundamót! #1

Í dag rak á fjörur mínar gamall vinur úr fortíðinni. Það var hörmung að sjá hann. Hann hafði greinilega verið lengi á floti í vatninu og líkið var þrútið og krabb-étið. En í vasanum hans var þessi fjársjóður hér:


















Þetta er árþúsundamótaeintakið af FB-skólablaðinu Fréttaheimur ("Fréttaheimillenium"! Búmm-tissj!). Þarna var maður að stíga sín allra fyrstu skref í blaðamennskunni. Ég ætla að birta eitthvað af greinunum mínum úr blaðinu á eftir, en fyrst verð ég að koma þessari mynd á framfæri:















(smellið til að sjá stærri útgáfu)

Réttið upp hönd þið sem þekkið ykkur.

Það eru til stórir hlutir í heiminum