Klikkiddi klikk

Ég var að tæma símann minn af myndum og fannst nokkrar þeirra svo glettnar að ég þurfti að setja þær á netið.



Hér er plötusnúðavökvi. Það þarf að bera þetta á plötusnúðinn tvisvar í viku svo hann virki rétt. Þessi brúsi er reyndar aðeins fyrir "Regular" plötusnúða. Ef þinn plötusnúður gleypir líka eld, þarftu að fá "Special".



Uppáhalds álpappírinn minn. Kaupi ekki annað. Mér finnst að slangurs-vísir unglingar ættu að taka þetta upp. Ég vil Reykjavík fulla af táningum sem segja "HEAVY DUTY AWESOME!"



"Hvað er í matinn í kvöld elskan?"
-"Hestur"
Oj. Það er bara eitthvað svo óheilagt að borða hest. K'mon! Hestur! Hvaða ár er núna, Móðuharðindin? Er lífið orðið svo hart að maður þarf að leggja sér meri til munns? Viltu bara ekki borða kattakjöt líka!



Það er bannað að pakka svona grillkéti saman. Það er bara ósanngjarnt að vera með tuttugu kílóa steik á stærð við skrifborð pakkað saman með lítilli skinkusneið. Ég vil endurgreitt.