Bless

Jæja þá er komið að því að leggja í erfiða langferðina til Flateyjar á Breiðarfirði. Ég er búinn að fara í allar bólusetningar og sprautur sem til þarf og var að koma úr þrýstijöfnun. Núna er ekkert til fyrirstöðu en að pakka niður sundbrókinni og piparúðanum.

Flatey var byggð af Pöpum árið 1800 og var þetta fyrsta manngerða eyjan af sinni tegund. Flatey var og er afar blómlegur kaupstaður þar sem gamlar hefðir mæta gömlum skoðunum. Þarna reis fyrsta ísbjarnarsláturhús landsins innan um blómleg kaffihúsin þar sem alltaf mátti fá ilmandi kattamjólk. Auk þess var herrafataverslun Síberts Kløgensen einn vinsælasti söluaðili skyrtuflibba og mannbrodda.

Ég ætla mér að heimsækja alla merkustu staðina: Gullnámuna, kafbátaflakið, vatnsrennibrautagarðinn og auðvitað Alþjóðaspilavíti Alcoa.

Óskið mér góðrar ferðar og skiljið nú eftir óvænt ástarbréf fyrir mig til að skoða þegar ég kem heim á mánudagskvöldið.

Ykkar
Bjölli.