Ripley's ready to get it on!

Edie Sedgwick (ekki stelpan úr Warhol myndunum) heitir réttu nafni Justin Moyer og er flesta daga söngvari hljómsveitarinnar Supersystem. Edie Sedgwick er sólóverkenfið hans. Hann kemur fram í dragi og syngur yfir undirleik sem hann spilar af ipodinum sínum. Hann er meira en lítið hugfanginn af hinum frægu og fallegu og syngur söngva þeim til dýrðar. Meðal laga sem hann hefur flutt eru 'Faye Dunaway', Macaulay Culkin', 'Martin Sheen' og geimsteinninn sem hér um ræðir, 'Sigourney Weaver'.

Hér er vídjóið við þetta skemmtilega lag sem vísar ákaft í hina mögnuðu mynd, 'Aliens'.
Smell:
linkur

Au currant

Un
Black Rebel Motorcycle Club - Ain't No Easy Way
BRMC hefur aldrei verið ein af mínum uppáhalds hljómsveitum. Þeir hafa reyndar átt nokkur góð lög, en það var alltaf ímyndin og stælarnir sem fóru í taugarnar á mér. Þessir leðurjakkarokkarar með sólgleraugu innandyra og blússandi hægðartregðu eru ein af mest pirrandi týpum sem ég veit um. Bjakk. EN, viti menn, þeir fóru í meðferð, í sturtu og skiptu um stefnu. Við kynnum nýjan og glæsilegan BRMC: Kántrý, gospel og folk í einum rykugum, sveittum pakka.

Deux
Goldfrapp - Ride A White Horse
Ó, Alison. Einn daginn verðum við saman. Við munum ganga hönd í hönd um aldingarð útópíu og dreypa af gnægtarbrunni holdlegrar fýsnar. Grarrrr.

Trois
Roisin Murphy - Sow Into You
Hún er líka sæt þessi. Ég keypti plötuna hennar áðan að gamni (aðallega útaf flottri kápunni) og þetta er bara fínasta chill-jazz-RnB plata. Góð í þynnkunni.

Quatre
Doobie Brothers - What A Fool Believes
Svenni "Smoooth" er svo frábær og duglegur að finna klippur sem bera af. Yacht Rock er nýja Soft Rock. See for yerself:
linkur

Le Chanson du jour!
Box - Snjókoma
Enn þarf ég að reiða mig á aðra snjallari menn fyrir flotta hluti. Maggi er ekki bara tónlistarséní og frábær gæji heldur lumar hann líka á geggjaðri íslenskri nýbylgju.
Sækja sækja sækja:
Linkur

Another year with nuthin' to do

what is your favorite part of the chicken?
Dö, bringan. (hver borðar annars vængina? kjúklingavængir eru mest leim afsökun fyrir mat sem ég veit um. Þeir gætu alveg eins borið fram hálsinn eða eitthvað).

whats your favorite town?
Chicago Town örbylgjupizzur

how did you end your last relationship?
Ég er það heppinn að vera enn í mínu fyrsta alvöru sambandi. Harpa, þú ert alveg hreint ágæt.

whats the first word that comes to your mind right now?
Tad Hamilton.

whens the last time you saw your mother in person?
Um daginn.

whats the best insult you've ever heard?
Wá þegar ég finn hana mun ég sko nota hana. Hvað með, 'Bite the big one, Brian. Bite it.'

what are you having for dinner tonight?
Ég át alveg hreint ógeðslega óhollan hamborgara. Bjakk. Alger bumbulíus er maður orðinn.

how long have you been at your current job?
síðan í maí hef ég unnið hjá Jónsson & Le'macks
linkur

whats the last thing you said outloud?
"Hey þetta er þarna gellan sem leikur gelluna í Nip/Tuck"

look to your left....
Þar stendur ískápurinn minn og dæmir mig.

what is the last thing you spent over $100 on
Hmm ég verð að tékka á einkabankanum... Húsaleiga.

whos your favorite villian?
Tad Hamilton.

whats the last piece of clothing you borrowed from someone?
Það hefur örugglega verið eitthvað af Hörpu.

whats the last piece of clothing you bought?
Bolur frá Husk Mit Navn. Er í honum núna. Góður bolur.

what word makes you laugh no matter where, when or how many times you hear it?
Er það ekki bara douchebagurinn?

what website do you visit the most during the day?
Eftir að ég fékk mér CSS forritið NetNewsWire fer ég mun minna á actual síðurnar, en ætli það sé ekki bara Myspace?

last text message recived on your phone...?
WHERE U AT IS KAFFIBARINN MO FUN?
(það var ekki meira gaman þar)

You know how we do!

SMOKIN' POT IN BREIÐHOLT, BOOOYYYYY!
Linkur

Annar fyndinn linkur

ég elska 80's action myndir.
linkur

Búmm tsi bæng bæng

Einhver fyndinn gæji dansar á gröf Ronalds Reagan
linkur

Random playlisti

Hey hér er eitt sem er skemmtilegt að gera (fyrir utan að vera þunnur og blogga): Farið í itunes, veljið new smart playlist og veljið 10 songs selected by random. Þannig má fá mjög grófan þverskurð á þeirri tónlist sem maður hefur sankað að sér. Gerið þetta og póstið því í kommentin. Bannað að svindla.

Hér er minn listi:

Interpol - Slow Hands
Country Joe & the Fish - Superbird
Wilco - War on War
The Strokes - The Way it is
Vitalic - My Friend Dario
Basement Jaxx - Oh My Gosh
Charles Wright and the 103rd st. Rhythm Band - Do Your Thing
White Stripes - I'm Finding it Harder to be a Gentleman
Can - I'm so Green
Dire Straits - Sultans of Swing

Ég mundi segja að þessi listi væri nokkuð lýsandi fyrir minn tónlistarsmekk. Rokk og ról (Stripes, Interpol, Strokes), Elektró músík (Vitalic, 'Jaxx), Artý stöff (Wilco, Can), blúsuð kántrýsýra (Country Joe) og svo nokkrir Oddballs inn á milli (Charles Wright, the 'Straits).

Myndir frá Menningarnótt

IMG_6935
Originally uploaded by bobby-breidholt.

Það var auðvitað helvítis svall í bænum, og hér eru myndir til sönnunar. ég eyddi mestöllu kvöldinu á listafestinu Garnival þar sem ég var einmitt með eitt verk. Svo var farið á Sirkus, Kaffibarinn og Prikið. Bærinn var auðvitað alveg ógeðslegur, tugþúsundir blindfullra vitleysinga vaðandi rigninguna, skítinn og gubbið. Þannig að málið var að fá sér sveittan kebab og koma sér heim. Skoðið myndir með því að smella hér að neðan.
Linkur.

Nýjasta tískan hjá black metal krádinu

Í fyrra gekk um netið skemmtilegur listi þar sem sýndar voru tíu fáránlegustu myndirnar sem hafa verið teknar af black metal tónlistarmönnum. Jæja, það er kominn nýr listi og það lítur út fyrir að þetta verði árviss viðburður (gaman gaman)
Linkur

Hér er svo orginal listinn frá 2004.
Linkur

We don't need no stinkin' culture

Kellíngar eru ekkert nema brundílát. Og þær elska það.

Ég er að tala við þig, hóra. Út með spenana og glenntu upp rennuna. Beljur eins og þú fíla ekkert meira en að sjúga gangsteratittling eins og minn. Þú veist hver ég er, B to the O to the double-B-Y. Bræður ráða, Hórur gleypa. Djöfulsins tussur.

Af hverju eru allir svona sáttir við það hvernig rapparar fara með konur í textum sínum og myndböndum? Svona í alvöru, af hverju er svona viðbjóður í lagi? Ég hef alltaf hnussað af hlátri yfir einhverju kvenréttindafólki sem er að væla yfir þessu. "Heh, hvað er málið, þarna kvenréttindalessa. Skiluru ekki að að þetta er allt annar heimur maður! Fiddy og The Game lifa við raunveruleika sem þú munt aldrei skilja! Af hverju að þegja um það hvernig þeir lifa? Þeir eru að tjá sig um hvernig lífið er í THE GHETTO, MAAAAN!"

En málið er að þetta eru helvíti aumingjaleg rök. Hvaða andskotans "allt annar heimur" er þetta? Er gettóið eitthvert gósenland kvenhatara þar sem allir hafa opið veiðileyfi á 'hórur'? Ekki vildi ég búa í þessum "raunveruleika" þar sem konur elska að vera nauðgað og geta ekki heyrt nóg af því að þær séu kuntur með ferðatöskur eða hvað þetta heitir alltsaman. Hey, ég kem úr Breiðholtinu, gettói Reykjavíkur. Má ég þá segja að allar mellur sem eru ekki þegar komnar með AIDS eigi að raða sér upp svo að ég og þe hómís geti dælt í þær smjörsýru og pissað á þær? Það er sama hvaðan þú kemur eða hver "raunveruleiki" þinn er, farðu með þetta ógeð eitthvert annað á meðan ég gubba.

Eða er ég kanski alger kjélling núna?

Computers say the darndest things...

Þessi broslegi gluggi kom upp hjá mér. Er hann ekki broslegur?

*hrollur*

Voru ekki örugglega allir búnir að sjá þennan ófögnuð?
Linkur

Benny!

Motown: My Romantic Comedy Hell

Var að sjá treiler áðan. Ok, gott og vel, nema hvað: Þarna var verið að sýna glefsur úr nýjustu rómantísku gamanmyndinni "Douchebag for hire". Ég man ekki hvað hún heitir í alvöru en hún var með Debru Messing úr Will & Grace og hún var um stelpu sem er ekki með deit fyrir einhvern viðburð (kanski giftingu, kanski bátaskírn (wá ég væri til í að mæta í bátaskírn, þar sem einhver kona með hatt lúskrar einhvern togara með kampavíni og svo er honum sleppt niður rennibraut og ofan í sjóinn (nei bíddu, ég mundi frekar vilja vera um borð í bátnum þegar honum er sleppt niður rennibrautina. Jibbí! splass!))) En nú er ég að teygja lopann. Þessi stúlka ræður því gæja hjá fylgdarþjónustu til að þykjast vera merkilegi kærastinn sinn. Hún borgar honum fyrir góða þjónustu og sér hann svo aldrei aftur. Nei djók þau verða ástfangin.

En það sem ég vildi sagt hafa er það að treilernum fylgdi að sjálfsögðu einhver tónlist til að hressa aðeins uppá hamaganginn. Ég gef ykkur þrjú gisk um hvers konar tónlist var spiluð. Jú alveg rétt, það var Motown. Ég er líka viss um að ykkur grunar hver tónlistarmaðurinn var. Já, það var Stevie Wonder. Kommon, reynum að fullkomna þrennuna. Hvaða lag söng hann? Jú, þið áttuð kollgátuna: 'Signed, Sealed, Delivered'.

Motown er official sándtrakk rómantískra gamanmynda. Stevie Wonder, Martha & the Vandellas og Jackson Five eru lögbundnir fastagestir í öllum myndum þar sem tvær ólíkar manneskjur sem hata hvort annað í fyrstu verða ástfangin. Ég hata Motown tónlist vegna þessarar staðreyndar. Tónlistin sem er kennd við plötuútgáfuna Motown er einhver allra besta popptónlist sem er til. Ótrúlegir hæfileikamenn í hverju rúmi og yndisleg tónlist. En drottinn minn dýri, ef ofnotkunin á þessum lögum hjá hugmyndasnauðum kvikmyndafyrirtækjum fer ekki að linna, þá er ég hræddur um að ég þurfi að halda plötubrennu á svölunum mínum. Ykkur er boðið. Svo förum við í rennibraut út í sjóinn.

COP ON THE EDGE PART 3: ENTER THE VILLAIN

Við horfum yfir ríkumannlegt einbýlishús sem situr á klettabrún. Húsið er háreist og hvítt. Á landareigninni er tennisvöllur og sundlaug sem rennur yfir í heitan pott þar sem eru ungar, berbrjósta stúlkur að drekka kampavín. Það eru einnig stúlkur að skemmta sér á blakvellinum. Þessum stúlkum virðist vera sama að það séu menn með uzi-vélbyssur á víð og dreif um landareignina. Þeir eru allir með yfirvaraskegg og í skyrtum úr glansandi pólíester efni. Sólin er að rísa. Það eina sem heyrist er niðurinn í hafinu sem brýtur á klettunum fyrir neðan. Maður nokkur stendur á klettabrúninni og reykir vindil. Hann er í hvítum, víðum buxum úr hörefni sem blakta í golunni. Maðurinn er feitlaginn og af latínskum uppruna og við heyrum flamencó gítar spila dramatískar nótur þegar við sjáum andlit hans. Þessi maður er voldugur, allir verðirnir hafa auga með honum. Þeir eru skósveinar hans. Maðurinn er með barðastóran hatt og ör á kinninni. Yfirvaraskeggið er mikilfenglegt. Hann tekur smók af þykkum vindlinum sínum og virðist kíma yfir einhverju sem kemur upp í hugann. Hvers konar viðskipti sem þessi maður stundar, þá er hann á með þeim mikilvægustu á sínu sviði.

Einn af skósveinunum kemur til hans.
"Húsbóndi, þeir eru komnir."
Maðurinn fleygir vindlinum og heldur af stað í fylgd með skósveininnum.
"Jæja, Allejandro. Sjáum hvernig 'Híenan' mun bjarga sér í þetta sinn."

Mennirnir ganga í áttina að svörtum BMW sem er að renna í hlað. Í farþegasætinu glittir í mann með sólgleraugu og tannstöngul í munnvikinu. Hann glottir illkvitnislega. Hann heitir Edoardo Pino, alræmdur morðingi og sadisti. Hann er kallaður 'Naðran' sökum djöfullegs eðlisins og hvalaþorsta. Pino og bílstjóri hans stíga úr eðalvagninum og ganga í átt að hvítklædda manninum og mönnum hans. Bílstjórinn heldur á silfurlitaðri skjalatösku. Flamencóleikurinn magnast og við heyrum í skröltormshljóði.

Hinn hvítklæddi:
"Er húsbóndi þinn of mikil bleyða til að koma sjálfur? Hefur hann ekki hreðjarnar til að mæta mér?"
Pino hlær mjóróma hlátri og sveiflar tannstönglinum á milli munnvikanna með tungunni.
"Engar áhyggjur gamli." Hann bendir á skjalatöskuna. "Húsbóndi minn býður þessa sáttagjöf. Efnið er hreint. Afar hreint."

Einn skósveina þess hvítklædda tekur við töskunni og fer með hana afsíðis til að prófa 'efnið'. Hinir skósveinarnir fylgja honum á eftir.

Hinn hvítklæddi snýr sér að Pino og kveikir sér í öðrum vindli. Einhversstaðar heyrum við í ógnvænlegum vélarnið. Pino hlær djöfullega. Hinn hvítklæddi er farinn að gruna að það sé maðkur í mysunni. Hann fer með höndina í vasannn til að sækja agnarsmáa einhleypu með perluskafti.
"Segðu mér Pino, nákvæmlega hvar er húsbóndi þinn? Hvar er Zevallos?"
-"Hann kemur fyrr en þig grunar!"

Pino skríkir af hlátri og dregur rakvélarhníf leiftursnöggt eftir hálsi hins hvítklædda. Blóðið fossar yfir hvít fötin hans og hann skýtur út einhleypunni út í loftið. í sömu andrá opna skósveinar hans töskuna og komast að því að 'efnið' er í raun sprengja. Eldhnöttur umlykur mennina og sprengikrafturinn þeytir mörgum þeirra upp í loftið og þeir lenda í sundlauginni. Stúlkurnar flýja í ofboði og skósveinarnir sem urðu ekki sprengingunni að bráð fara að skjóta í allar áttir. Bílstjórinn fellur en Pino forðast bussukúlurnar hlæjandi.

Hinn kvítklæddi staulast um og sér glundroðann í kringum sig. Hann fellur á hnén við klettabrúnina. Skyndilega magnast vélarniðurinn og svört þyrla birtist allt í einu upp fyrir brúnina. Innanborðs er Angelo Zevallos, sem eftir örstutta stund mun verða einráður í kókaínheiminum í Californíu. Zevallos og hinn kvítklæddi horfast í augu áður en þyrluflugmaðurinn setur vélbyssuna undir þyrlunni í gang og hefur martraðarkennda skothríð á landareignina. Hinn hvítklæddi og menn hans eru tættir í sundur. Zevallos horfir á með eld í augum. Hann er með hárið í síðu tagli og er alsettur tattúveringum. Hann skipar flugmanninum að lækka flugið nóg til að Pino nái að stökkva um borð.

Hvíta einbýlishúsið eru rústir einar og sviðin, sundurtætt lík liggja um alla landareignina. Zevallos fylgist með hvítklæddu líkinu sem áður var Sanzo Zalazabar og brosir. Þegar þyrlan heldur burt horfir Angelo Zevallos á sólaupprásina. Í dag er hann kóngurinn!

Hvað er MÁLIÐ!?!

Þessa mynd tók ég sjálfur rétt áðan á Austurstrætinu,
og hef ekki breytt henni á nokkurn hátt:

Á þetta að vera fyndið?
Mundir þú fá þér kaffi þarna?
Gátu þeir ekki sleppt BRUNDINU?!

Au Currant

Calexico - Alone Again Or
Það er sára-sára-sjaldan að coverlög nái að vera betri en upphaflega lagið. Calexico takast það ómögulega og ná að toppa sjálfan Arthur Lee og félaga í Love í þessu stórkostlega lagi. Það er rosaleg keyrsla í gangi. Engin rafmögnuð hljóðfæri eru til staðar, aðeins kassagítarar, burstatrommur og mariachi-brass lúðrar. Og handaklappið! Þetta lag er að koma aftur með vengeance eftir að ég heyrði það fyrst fyrir einhverjum árum síðan. Ég hef aldrei langað jafn mikið til að keyra á ofsahraða í eyðimörkinni. Það er ekki hægt að hlusta á þetta lag nógu hátt.

Clap Your Hands Say Yeah - Is This Love
Stundum er maður bara inspireraður til að stofna hljómsveit. Bara að segja skilið við feril og framtíð og lifa sem einhver bóhemi í háalofti. Sofa á skítugri dýnu, stela sér til matar og deyja blásnauður. Bara á meðan maður semur fegurð eins og þetta lag. Það er ekki möguleiki að þessir gæjar munu ná langt, þeir eru of frumlegir. Auðvitað mundi ég ekki vilja að þeir yrðu frægir. Þeir verða að vera leyndarmálið mitt.

The Who - I Can See for Miles
Þetta lag sannar að Keith Moon var besti trommuleikari sem hefur verið uppi. Galdurinn er að hann kunni ekki að tromma. Á milli tónleikaferða þurfti að kenna honum á trommurnar upp á nýtt. Hann réðist á þær og barði að því er virtist af handahófi. Hundrað prósent virðingarleysi fyrir öllum hefðum um hvernig trommuleikur á að hljóma. Stórkostlegur hávaði.

Petra Haden - I Can See for Miles
Og svo höfum við þetta. Hér er lagið berstrípað. Petra er listamaður sem beytir röddinni einni saman til að skapa tónlist (hvað, hélstu að Björk hafi komið með þá hugmynd?) Leikgleðin, röddunin... þetta er svo undurfagurt, það er ómögulegt að fá ekki gæsahúð í viðlaginu.

Le Chanson du jour:
Petra haden & Bill Frissell - I Believe
Ég ætla ekki að segja orð um þetta cover á Stevie Wonder slagaranum. Einfladlega hægrismellið og 'save as'
Linkur

COP ON THE EDGE PART 2: THE RIDE

Þegar ég stíg út úr húsinu mínu fæ ég sting í augun af sólinni. Ég gretti mig og tek mér smók. Blæs reyknum út um nefið.
"Þetta helvíti fer illa með þig" segir Lloyd og á við sígarettuna mína.
Pussan sú. Hvílík bleyða. Ég hef lifað meira þennan morgun en hann alla sína vesælu ævi. Hvað þykist hann vita? Nýgræðingur og grænjaxl úr lögguskólanum. Blautur á bakvið eyrun. Ég vinn einsamall. Ég kynntist svona stráklingum í hernum. Bláeygðir. Litu upp til manns eins og hundar, með vonina í augunum að ég yrði þeirra bjargvættur þegar þeir lágu með iðrin úti á hrísgrjónaakrinum. 'Mamma, mamma' grétu þeir. Ég er ekki mamma, ég er lögga. Lögga með fortíð.

Ég á heima í hvítu condó við ströndina. Fyrir utan eru íturvaxnar konur á hjólaskautum og rúmbatónlist í bakgrunni. Hér kennir ýmissa grasa. Veggjakrot, glæsilegar konur og nóg af úrþvættum sem stela veskjum. Lloyd gerir sig líklegan til að setjast inn bílstjóramegin. Það tek ég ekki í mál. Ég leiðrétti hann.
"ekki svona hratt lagsmaður. Það er ég sem keyri".
Ég sest inn í fölbrúnan bílinn og ek af stað. Sólin speglast í hafinu. Ég hugsa til baka. Ung kona deyr í rigningunni. Felld af hópi leiguliða undir leiðsögn Zevallosar. Ég var skotmarkið. Hún var heima. Ég var að vinna. Blóðið...

Lloyd rífur einbeitinguna.
"Ég sagði, verðurðu að reykja inni í bílnum? Ég þarf varla að þjást líka, er það?"
Ég lít hægt á hann, klára restina af sígarettunni og blæs reykjarmekkinum framan í hann. Hann víkur sér undan. Hann tapaði þessu einvígi. Ég stilli hann út þegar hann heldur áfram. Blóðið... Það situr fastast eftir. Zevallos úrþvættið þitt. Þú munt deyja.

Rokklag kemur upp í bakgrunninum. Lögreglustöðin, vinnustaðurinn minn, er fyrir næsta horn. Þetta gæti orðið spennandi dagur.

The Potter Police

Það er merkilegt hversu löggæslumenn um allan heim standa sig vel í baráttunni við hina miklu ógn sem steðjar að mannkyninu: nefnilega falsaðar Harry Potter bækur. England, Indland, Rússland, Þýskaland... Enginn kemst undan vel smurðri vélinni sem hefur það eina og göfuga markmið að halda gróða JK Rowling í algeru hámarki.

Ég kemst ekki yfir þetta. Hryðjuverkamenn geta trítlað frjálsir á milli landa og sprengt okkur upp. Eiturlyfjabarónar framleiða og selja sitt eitur án nokkurrar truflunar. En ef einhver dirfist að skanna inn Harry Potter og Blendingsprinsinn þá sprettur vélin í gang og eyðir ógninni með ótrúlegri nákvæmni og miskunnarleysi. Hagsmunir JK Rowling og Warner Bros. verða að vera í fyrirrúmi. Skítt með alvöru glæpi.

Ef yfirvöld um gervalla heimsbyggðina ynnu alltaf svona ötullega að sameiginlegu markmiði væri löngu búið að finna Osama Bin Laden, tappa í gatið í ósonlaginu og finna lækninguna við heimsku.