Hingað og ekki lengra.

Karlmaður á sextugsaldri svipti sig lífi í morgun, eftir að DV birti mynd af honum á forsíðu og bendlaði hann við kynferðislegt ofbeldi gegn ungum piltum. Ásakanirnar gegn honum hafa ekki verið sannadar og bróðir mannsins segir ad DV hafi nánast rekið hann i dauðann.

Eruð þið komin með nóg af óábyrgri og skeytingarlausri ritsjórnarstefnu DV? Skráið ykkur þá á undirskriftarlistann. Þegar þetta er ritað eru undirskriftirnar að nálgast 10.000.

Egill Helgason er með góðan punkt:
Það eru ekki bara hinar ósæmilegu nafnbirtingar sem eru komnar út fyrir allan þjófabálk - oft er verið að slá upp fréttum af fólki sem er beinlínis veikt, fyrir utan þá sem engin sekt hefur verið sönnuð á - heldur er líka einhver hallærislegur meinfýsistónn í blaðinu, hefði máski einhvern tíma verið kenndur við níhilisma.

Það er hlakkað yfir óförum annarra, eins og lífið sé andstyggilegur sirkus - til hvers þurfti til dæmis að segja að viðfangsefni forsíðunnar í dag væri "einhentur"?

Ég hef lengi séð fyrir mér þessi ógeð á DV: Við barinn í Players Club í Kópavogi, með fartölvuna á borðinu, að keppast við að skrifa sem sniðugastar fyrirsagnir um ófarir annara. Skíthælar.