Afmælisgestur

Ballaðan er eins árs!
Af því tilefni fékk ég nokkra sem ég les
reglulega til að koma með eina gestafærslu.
Þetta er: Egill Harðar









Það kom skemmtilega á óvart boðið um að senda inn færslu í tilefni eins árs tilveru þessa ágæta bloggs. Datt það annars í hug að hér gæti mögulega verið á ferðinni nýtt trend? Allt annað hafa menn nú gert og reynt í bloggheimum. Man þó ekki eftir því að hefð hafi skapast fyrir því að menn bloggi á annara manna bloggum. Fín hugmynd finnst mér.

Nú fyrst ég er að blogga á bloggi annara og sérstaklega vegna yfirvofandi tímamóta, þá fannst mér sem færslan og lagið, sem senda átti með, yrði að vera vel yfir meðallagi hvað gæði varðar. Eftir að hafa rótað án árangurs í lagasafninu ákvað ég að halda á vit óvissunar og sjá hvort ég finndi ekki eitthvað á Netinu. Og viti menn! Ég þurfti ekki að leita lengi.

Ég kynni því hér með til leiks Hollensku stuðboltana í Lefties Soul Connection sem einkar vel heppnaða ábreiðu af DJ Shadow laginu Organ Donor (sem aftur á móti var grimmilega samplað úr laginu Tears eftir Giorgio Moroder). Þetta er, eins og einhver sagði, 'schnilld'.

Lefties Soul Connection - 'Organ Donor' (DJ Shadow cover) mp3