Líbanon

Stefán Eiríksson (viðtal) vill láta skemmtistaði í miðbænum loka klukkan eitt um helgar. Eru ekki allir sammála því?

(engissprettur....)

Æh, annars væri mér bara alveg sama ef miðbærinn yrði rifinn og sökkt í sjó, einsog löggan vill gera. Ég er löngu orðinn fjölskyldukall í Fossvoginum. Sláttuvélar, uppvask og að raða í myndaalbúm. Það er mitt djamm núna.

En síðan kemur Stefán með þá hugmynd að færa þá skemmtistaði sem vilja hafa opið lengur í iðnaðarhverfi eða á einhvern afvikinn stað þar sem íbúabyggð er víðs fjarri. Jáááá, einmitt. Tökum bara Viktor, Dubliner og Sólon og færum þá í niðadimmt, mannlaust iðnaðarhverfi. Köllum það bara NAUÐGBÆ í leiðinni.

Sko, þetta er enginn "miðbæjarvandi". Þetta er "samfélagsvandi". Það er hamrað á okkur allt okkar líf að áfengi sé hryllingur og að djamm sé standpína Satans. Við greinum ekki mun á að "fá sér bjór" og að "dett' íða". Þangað til dulúðin og illskustimpillinn er fjarlægður af áfengi þá munum við alltaf vera 13 ára börn sem stelast til að sturta í sig vínskápnum hans pabba á korteri.