Git-R-Done!!

Ég var engan veginn að átta mig á því hvað ég væri að gera vitlaust. Það var fyrsta kvöld páskafrísins, ég var í mínu fínasta pússi (gömlum kartöflusekk bundinn um mittið með bréfaklemmmukeðju) og var á sjötta bjór. En mér var það hreinn ógjörningur að komast í fíling. Það var beinlínis engin stemming, hvorki á KB eða Sirkus. Þegar ég leit í kringum mig sá ég að allir aðrir á staðnum virtust vera í sömu hugleiðingum og ég, að skima um með drukknum augum eftir einhverju skemmtilegu að gerast (kanski vinur í stuði, einhver sæt/ur til að áreita, gott lag á fóninum). Þá rann það upp fyrir mér. Þetta var bara ósköp venjulegt miðvikudagskvöld, nema að það var bara ögn meira af aðeins fullara fólki á staðnum. Við höfðum enn og aftur fallið í þá gryfju að halda að vegna þess að það er frí á morgun þá verður átómatískt allt að vera snælduvitlaust. Hin aldagamla hefð að detta í það bara afþví maður getur það hafði enn og aftur bitið okkur í rassinn. Eins fullir og allir voru, og í eins fínu pússi og allir voru, þá var bara leiðinlegur miðvikudagur í öllum.

Það versta við að eiga kærustu er að maður verður háður þáttunum hennar. Ég hef mína karl-lægu 24, Lost og Deadwood, en eyði samt fullt af tíma á dag í að dánlóda nýjustu Desperate Housewives, American Idol og America's Next Top Model. OG ÉG ELSKA ÞÁ ALLA! WWAAAAHH! Ég hlýt að vera eini karlmaðurinn á landinu sem veit hver Yaya, Constantin Maroulis, Bree Van de Camp og Nolé Marin eru. Annars finnst mér gaman að horfa á þessa hryllilega feik "raunveruleikaþætti". Ég man sérstaklega eftir Murder in Small Town X (wá hvað það var lélegt.)

Viti menn! Janice Dickinson VAR súpermódel! (og bara nokkuð sæt líka. Minnir soldið á Catherine Zeta Jones)