afmælisgestur 5

Ballaðan er eins árs!
Af því tilefni fékk ég nokkra sem ég les
reglulega til að koma með eina gestafærslu.
Þetta er: Sveinbjörn


Hver hefði trúað því að Ballaðan yrði árs gömul!

Þegar Björn Þór byrjaði á þessu vorum við vinir hans öll efins. Við sögðum "Björn þetta er geðveiki, þetta gengur aldrei upp" og "hættu þessu áður en þú hlýtur skaða af" en Björn hélt ótrauður áfram, hann hafði framtíðarsýn sem ekkert okkar skildi. Nú sjáum við samt öll hversu stórfengleg og réttsýn þessi hugsjón hans var. Ekkert okkar getur neitað að við fyllumst stundum öfund yfir því sem Björn hefur áorkað, því sem okkur var um megn.

Ég veit það að í dag horfir Björn björtum augum á framtíðina, fram hjá öfund samborgaranna, ótta smásálanna sem beygja sig undan sterkum geisla réttsýninnar sem Ballaðan er. Hann gengur ótrauður fram veginn, með tóma vasa en hjartað fullt af skúturokki.
Björn, til hamingju!

Í tilefni af afmælinu læt ég fljóta með vel valinn skúturokksslagara handa Bjölla. Lagið er um stúlku og smáhestinn hennar, það verður varla meira smooth en það?

» Michael Martin Murphey - 'Wildfire' mp3