Mitt epíska, linnulausa hatur.
Sko, það eru margar stofnanir og fyrirbæri í þessu samfélagi sem fá rosalega mikinn skít kastaðan í sig, en langoftast finnst mér það eiga engan rétt á sér.
Stöðumælaverðir eru bara grey sem eru að vinna vinnuna sína. "Stöðumælavörður laminn í miðbænum af trylltum úthverfasegg í jakkafötum!" öskra fyrirsagnirnar á meðan lófaklappið dynur og gröfukallar í sjoppunni öskra "GOTTÁANN!" með munninn fullan af hamborgaratilboði. Jesús, slappið af. Ef þú borgar ekki í mælinn, leggur þvert yfir þrjú fatlaðrastæði eða skellir Rangerovernum uppá gangstétt (og blokkar þannig leið mína), þá færðu fokking SEKT! Og ekkert VÆL, þarna móðursjúka mann-belja. Og hvað er sektin mikil? 600 krónur? Lifðu með því.
Löggan er líka mikið hötuð. Frá örófi alda hafa viðkvæmar sálir verið að grenja yfir offorsi lögregluþjóna. "Má maður ekki vera blindfullur og útúrspíttaður og sparka í rúður og fólk án þess að löggan snúi mann niður!" BÚ-HÚÚ! Löggan hefur aldrei olnbogabrotið mig eða nokkurn sem ég þekki. Vitiði af hverju? Því hvorki ég eða fólk sem ég þekki eru ofbeldisfullir óróaseggir, skiljiði? Ef þú ætlar að vera útúrkókaður með skrílslæti og asnaskap, þá er bannað að grenja þegar löggan þarf að yfirbuga þig líkt og leikskólakennari þarf að yfirbuga kófsveitt barn með ofvirkni og athyglisbrest.
Eins með Skattinn. Ég kemst svolítið nærri því að skilja hatrið á honum þegar fénu sem við borgum þeim er sólundað í rugl einsog umferðarmannvirkið í Vatnsmýrinni. En hey, ef við borguðum engan skatt, þá værum við lifandi í löglausu glundroðaríki í stíl við Mad Max, þar sem við herjuðum einsog hundar um auðnir og malarvegi í leit að fæði og skjóli. Skatturinn er ill nauðsyn, en með áherslu á "nauðsyn".
"En Björn, ertu orðinn Sri Chinmoi? Ertu genginn í Jesúklúbbinn og hættur að hata?"
-Haha nei, aldrei, kæru vinir. Ég hata sem aldrei fyrr, en núna hata ég einungis þann sem á það skilið. Og ég tel að við getum öll verið sammála um hver það er...
En fyrst smá saga:
Það eru svona sjö ár síðan ég vissi seinast hvað sneri upp, hvað sneri niður og hvað sneri Select á leikjatölvum, en það heitasta í dag ku vera ofbeldisleikurinn Halo 3 á Xbox 360. Núna á miðvikudaginn var haldin sérstök opnunarhátið í BT á slaginu miðnætti þar sem hundruðir leikjaáhugamanna vöktu frameftir til að vera fyrstir að tryggja sér eintak. Stemningin var magnþrungin og strákarnir nöguðu neglurnar í ofvæni og báru smyrsl á þumalputtana fyrir spileríið framundan. En einsog ég var að lesa í Fréttablaðinu núna áðan, kom fljótlega babb í bátinn.
Til að gera kvöldstundina alveg einstaka var gæji frá BT sendur til London að sækja 70 eintök af sérstakri Limited Edition megaútgáfu af leiknum, sem margir voru búnir að panta sérstaklega. Þegar loksins kom að því að fá dýrgripinn í hendurnar var bombunni sleppt: Limited Edition útgáfan kæmi ekki í hús þetta kvöld. Gæjinn sem kom frá London hafði verið stoppaður í tollinum og allir leikirnir hefðu verið gerðir upptækir.
Markaðsstjóri BT sagði í samtali við Fréttablaðið, "Við vorum búnir að fara yfir þetta allt með tollinum í Reykjavík og í Keflavík áður en maðurinn fór af stað, en svo kom annað í ljós þegar hann kom aftur heim". Á meðan minningarnar um tárvotar kinnar viðskiptavinanna ásóttu hann, hélt markaðsstjórinn áfram: "Það var ömurlegt að þurfa að útskýra fyrir þeim sem mættu á miðnæturopnunina að þeir gætu ekki fengið leikinn í kvöld".
Fokking Tollurinn, eh? Fokking Tollurinn.
Hann stoppar þig á flugvellinum og gramsar í töskunni þinni, í von um að finna fartölvu eða ipod. Djöfull skal hann finna ipod mar, hann þyrstir í að draga hann upp og öskra, "AHA!! hvað er þetta!" Þá fær hann sko að toga þig afsíðis og murka úr þér aleiguna. Þeir eru einsog gæjarnir í kuflunum í Lord Of The Rings. Þeir mása og þefa. Þefa af smygli. Þefa af sætu, sætu smygli. "Góss!" Heimta þeir með djöfullegu hvísli. Sálin svört sem tjara. Á meðan strunsa eiturlyfin framhjá í skútuvís.
Einsog svart ský liðast þeir á milli sendinga í póstinum. "Ebay!" Heimta þeir núna. Þorstinn botnlaus og óslökkvandi. Þeir strjúka saklausa pappakassa með slímugum fingrum. Þeir rífa pakkann upp og sleikja vöruna með fjólublárri tungu. Álagningin er gríðarleg. Varan var keypt á tvo dollara en Tollurinn heimtar sitt... 3.700 krónur. MÚHAHAHAAA! Heil sé Mammón! Dýrð sé Lúsífer!
Sálarlausu skrímsli. Óheilögu, samviskulausu skrímsli. Næst er það Kolaportið. Núna á að loka því að eilífu, því Tollurinn þarf "bílastæði". Engar lygar, Tollur! Við vitum alveg sannleikann. Þið þurfið bara meira pláss til að geyma gullið ykkar!
Og núna hrifsar Tollurinn Halo 3 af grenjandi karlmönnum.
Ég segi hingað og ei lengra! Ég segi að við förum uppí Dómsdyngju og rekum SVERÐ RÉTTLÆTISINS í hjartað á þessari martraðarværu. Tollurinn er sem helför, sem þarf að linna. Megi drottinn vera með okkur í þessari krossferð okkar.
Stöðumælaverðir eru bara grey sem eru að vinna vinnuna sína. "Stöðumælavörður laminn í miðbænum af trylltum úthverfasegg í jakkafötum!" öskra fyrirsagnirnar á meðan lófaklappið dynur og gröfukallar í sjoppunni öskra "GOTTÁANN!" með munninn fullan af hamborgaratilboði. Jesús, slappið af. Ef þú borgar ekki í mælinn, leggur þvert yfir þrjú fatlaðrastæði eða skellir Rangerovernum uppá gangstétt (og blokkar þannig leið mína), þá færðu fokking SEKT! Og ekkert VÆL, þarna móðursjúka mann-belja. Og hvað er sektin mikil? 600 krónur? Lifðu með því.
Löggan er líka mikið hötuð. Frá örófi alda hafa viðkvæmar sálir verið að grenja yfir offorsi lögregluþjóna. "Má maður ekki vera blindfullur og útúrspíttaður og sparka í rúður og fólk án þess að löggan snúi mann niður!" BÚ-HÚÚ! Löggan hefur aldrei olnbogabrotið mig eða nokkurn sem ég þekki. Vitiði af hverju? Því hvorki ég eða fólk sem ég þekki eru ofbeldisfullir óróaseggir, skiljiði? Ef þú ætlar að vera útúrkókaður með skrílslæti og asnaskap, þá er bannað að grenja þegar löggan þarf að yfirbuga þig líkt og leikskólakennari þarf að yfirbuga kófsveitt barn með ofvirkni og athyglisbrest.
Eins með Skattinn. Ég kemst svolítið nærri því að skilja hatrið á honum þegar fénu sem við borgum þeim er sólundað í rugl einsog umferðarmannvirkið í Vatnsmýrinni. En hey, ef við borguðum engan skatt, þá værum við lifandi í löglausu glundroðaríki í stíl við Mad Max, þar sem við herjuðum einsog hundar um auðnir og malarvegi í leit að fæði og skjóli. Skatturinn er ill nauðsyn, en með áherslu á "nauðsyn".
"En Björn, ertu orðinn Sri Chinmoi? Ertu genginn í Jesúklúbbinn og hættur að hata?"
-Haha nei, aldrei, kæru vinir. Ég hata sem aldrei fyrr, en núna hata ég einungis þann sem á það skilið. Og ég tel að við getum öll verið sammála um hver það er...
En fyrst smá saga:
Það eru svona sjö ár síðan ég vissi seinast hvað sneri upp, hvað sneri niður og hvað sneri Select á leikjatölvum, en það heitasta í dag ku vera ofbeldisleikurinn Halo 3 á Xbox 360. Núna á miðvikudaginn var haldin sérstök opnunarhátið í BT á slaginu miðnætti þar sem hundruðir leikjaáhugamanna vöktu frameftir til að vera fyrstir að tryggja sér eintak. Stemningin var magnþrungin og strákarnir nöguðu neglurnar í ofvæni og báru smyrsl á þumalputtana fyrir spileríið framundan. En einsog ég var að lesa í Fréttablaðinu núna áðan, kom fljótlega babb í bátinn.
Til að gera kvöldstundina alveg einstaka var gæji frá BT sendur til London að sækja 70 eintök af sérstakri Limited Edition megaútgáfu af leiknum, sem margir voru búnir að panta sérstaklega. Þegar loksins kom að því að fá dýrgripinn í hendurnar var bombunni sleppt: Limited Edition útgáfan kæmi ekki í hús þetta kvöld. Gæjinn sem kom frá London hafði verið stoppaður í tollinum og allir leikirnir hefðu verið gerðir upptækir.
Markaðsstjóri BT sagði í samtali við Fréttablaðið, "Við vorum búnir að fara yfir þetta allt með tollinum í Reykjavík og í Keflavík áður en maðurinn fór af stað, en svo kom annað í ljós þegar hann kom aftur heim". Á meðan minningarnar um tárvotar kinnar viðskiptavinanna ásóttu hann, hélt markaðsstjórinn áfram: "Það var ömurlegt að þurfa að útskýra fyrir þeim sem mættu á miðnæturopnunina að þeir gætu ekki fengið leikinn í kvöld".
Fokking Tollurinn, eh? Fokking Tollurinn.
Hann stoppar þig á flugvellinum og gramsar í töskunni þinni, í von um að finna fartölvu eða ipod. Djöfull skal hann finna ipod mar, hann þyrstir í að draga hann upp og öskra, "AHA!! hvað er þetta!" Þá fær hann sko að toga þig afsíðis og murka úr þér aleiguna. Þeir eru einsog gæjarnir í kuflunum í Lord Of The Rings. Þeir mása og þefa. Þefa af smygli. Þefa af sætu, sætu smygli. "Góss!" Heimta þeir með djöfullegu hvísli. Sálin svört sem tjara. Á meðan strunsa eiturlyfin framhjá í skútuvís.
Einsog svart ský liðast þeir á milli sendinga í póstinum. "Ebay!" Heimta þeir núna. Þorstinn botnlaus og óslökkvandi. Þeir strjúka saklausa pappakassa með slímugum fingrum. Þeir rífa pakkann upp og sleikja vöruna með fjólublárri tungu. Álagningin er gríðarleg. Varan var keypt á tvo dollara en Tollurinn heimtar sitt... 3.700 krónur. MÚHAHAHAAA! Heil sé Mammón! Dýrð sé Lúsífer!
Sálarlausu skrímsli. Óheilögu, samviskulausu skrímsli. Næst er það Kolaportið. Núna á að loka því að eilífu, því Tollurinn þarf "bílastæði". Engar lygar, Tollur! Við vitum alveg sannleikann. Þið þurfið bara meira pláss til að geyma gullið ykkar!
Og núna hrifsar Tollurinn Halo 3 af grenjandi karlmönnum.
Ég segi hingað og ei lengra! Ég segi að við förum uppí Dómsdyngju og rekum SVERÐ RÉTTLÆTISINS í hjartað á þessari martraðarværu. Tollurinn er sem helför, sem þarf að linna. Megi drottinn vera með okkur í þessari krossferð okkar.
posted by Bobby Breidholt at 9/28/2007 10:45:00 f.h.
7 comments
